Рио-2016. 

Инстаграмдаги русларнинг бир сахифасидан руслар  кетма-кет 7-8- олтин медаллар олаётгани воқифи бўлиб, кетидан ўзимизнинг хабарлар сахифасидан ўзбекларда  фақат бронза бўлаётганидан ўзимга савол бераётгандим: Нима учун бизда олтин йўқ? Бундай мусобақада қатнашиш имкони бор бўлса, нахотки бизда хам олтинга хос спортчилар йўқ ва нима учун дея тушунмаётган пайтим, 14-август куни кечаси 49кг-гача бўлган  энг енгил вазндаги боксчи Хасанбой Дўсматов илк олтин медал сохиби бўлгани хақидаги хабардан интернет портлади!

Ўзбекистон мадхияси янграганида эса синглимдан тортиб то барча хамма уйдагилар баралла қўшилиб куйлашди)  

Ўзбекистонда байрам, бирданига инстаграм олами табриклар билан гуллади. Артистлар бирин кетин ғолибимизни табриклаб унинг шарафига илиқ сўзлар битишди. Боксчимиз туғилган Андижоннику тасаввур қилаверинг, қий-қув, камида қўйлар сўйилган...буёғи ё Малибу ё Каптива дегандек а)   Урра! Зўр! Хавас қилдим, бутун бошли Республиканинг фарахли юзи бўлиб олтин медальни қўлга киритиш бу юрт олдидаги тасвирлашга тил ожиз хиссиёт ва бутун дунё миқёсидаги шараф!  Катта майдонда спортимиз атак-чечак қадамларидаги бундай ютуқ албатта катта байрам! Қани энди спортнинг бошқа турлари хам бронзадан нарига ўта олишса, хеч бўлмаса шунга харакат қилинаётганини сезсак... Футболнию гапирмадим, бизда у йўқдек. Уйимиз олдидаги майдончада сўкиниб-сўкиниб, бақириб-чираниб  футбол ўйнайдиган болларнинг голлари кўпроқ)) Майли, у тизимга хам эътибор тушиб тозаланибми, ғайратланибми қолар а?)

Хулласи, енгилгина йигитдан оғиргина натижа - олтин медаль!

14-август каминанинг таваллуд куни якунида ўзбегим  боксчиси ғалабаси хақидаги бундай хушхабар мен учун хам катта совға бўлди, ахир мен хам ўзбек! Ифтихор, ғурур ва хурсандчилик!

Урра!