Жорий йилнинг 14-август куни (нақ мени таваллуд кунимда) Ўзбекистон Республикасининг Бош вазири  жаноб Ш Мирзиёев имзолаган   ЁШЛАР МАДАНИЯТ ВА САНЪАТ МАРКАЗИ ФАОЛИЯТИНИ ТАШКИЛ ЭТИШ ЧОРА-ТАДБИРЛАРИ ТЎҒРИСИДА (Ўзбекистон Республикаси қонун ҳужжатлари тўплами, 2014 й., 33-сон, 423-модда)  ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИНИНГ ҚАРОРИга асосан, айни дамда "Ёшлар маданият ва санъат маркази" аста-секинлик билан амалда ўз фаолиятини амалга оширмоқда.

Хозирда "Эътироф" маросими ташкилий ишлари билан банд бўлган марказнинг 2015 йилдаги режалари жудаям катта. Бундан бир хафтача аввал  сайтимиз билан учрашувда, ташкилотнинг рахбариятлари 2015 йилги режалар билан бўлишар экан ёшларнинг хорижий мусиқий шоулари ва лойихаларига қизиқишлари эндиликда шунчаки орзудек бўлиб қолмаслиги ва "Голос" ва "Фабрика звезд" каби (худди шундай эмас, шунга ўхшаш!)  мусиқий шоу лойихалар Ўзбекистонда хам бўлиб ўтиши хақида маълум қилиб, бу борада ғояларни  режалаштириш жараёнида эканлиги билан бўлишишди. 

Иқтидорли ёшларимиз энди Россия каналларидаги шоу лойихаларига ошиқмаса хам бўлади, бундай имкониятлар энди бизда хам бўлади.

Шунингдек, "ЁШЛАР МАДАНИЯТ ВА САНЪАТ МАРКАЗИ"  артистларимизни эндиликда хориждаги гастроллари ва хориж артистларини хам Ўзбекистонга гастролларини амалга оширадиган ишончли давлат ташкилоти бўлади.

Нихоят гастроллар ва улар билан боғлиқ сохта продюсерлару фирибгарлик аломатларига хам чек қўйиларкан!