28-февраль куни соат 13:00да Тошкентдаги "Самарқанд Дарвоза" маркетининг 5 этажида дунёга машхур ва нуфузли "Polen Tantuni" туркча фаст-фуди очилиши бўлиб ўтди. 

Очилиш маросимида Туркия элчихонаси ходимларидан то Туркиянинг таниқли телеканаллари тадбирда иштирок этишди. 

Халол сифат белгиси билан хам дунёга таниш бўлган туркларнинг бу фаст-фуди  машхур Макдональдс ва КФС  билан таомнинг мазаси борасида бемалол рақобатлаша олиши хақида интернет оламида хўрандалар қолдирган фикрлардан билиш мумкин. 

Сайтимиз жамоасидан бу кафени таомини татиб кўрган илк ходимимиз   репортажни амалга оширган фотографимиз Абдурахмон Садиков бўлди:

-Асосий таоми ва бу кафени фишкаси лаваш бўлиб, бугунги кунгача мен томондан татиб кўрилган лавашлардан аввало  ёғсизлиги билан катта фарқ қилади. Мазасини эса очиғи тасвирлаб бера олмайман, шахсан менга жудаям ёқди.   

Тадбирда кўплаб машхурларни учратиш мумкин бўлди.

Хизматда бўлган хонандаларга махсус мана шундай ясама Эйфель минораси топширилди. 

Хонанда Жахонгир Отажонов очилиш  маросимининг асосий хизматчи хонандаси бўлди. 

Совғаларда хонандалар исми битилган. Хаттоки бренд кўринишига эга тахаллус сохибларининг номларидаги чизгилар хам худди ўша тариқа тасвирланган. 

Жонли ижрода машхур қўшиқларидан куйлаган Жахонгир Отажонов хар доимгидек ўз амплуасига хиёнат қила олмайди. 

Бусиз илож йўқ. Сал қолди яна ерга ётиб олишигаю, бироқ бу шаштидан қайтиб тиз чўкиш билан кифояланди.  

Тадбирнинг яна  ёрқин намоёндаларидан Саида ва Шахло Ахмедовалар бўлишди. 

Саида Россиянинг "Голос" лойихасида Севара Назархон билан биргаликда қатнашган бўлса, Қозоғистондаги "Голос"да эса Шахло Ахмедова қатнашганидан хабарингиз бор. 

Иккала "Овоз"чилар шу куни овозларини уйғунлаштириб акапеллада  дуэт куйлашди. Видеога (майтуб тасикс) манбаа

Шу кунги очилишда бўлиб таомлардан татиганлар бўлса изохларда фикр билдиришар.

Оилавий тарзда келиб дам олиб кетишлик масканга яқин кунлар сайтимиз жамоаси хам ташриф буюриб, дунёга машхур бўлган туркларнинг бу бренди махсулотига муносиб бахо бериб қайтади))

Суратлар муаллифи Абдурахмон Садиков.