Мода оламига умуман даъвоим йўқ, шунчаки бу тадбирни ўз фикрим, қарашларим ва албатта хар бир инсонда бўлганидек, ўз дидим билан бахолашга харакат қиламан. Ва албатта унга биноан 1280та олинган суратларимдан сараланган 40тачасиини тақдим этаман.

 Қолганини видеода томоша қиларсиз.

Хуллас 3 май куни Курантлар (улар энди эгизак) боғида соат 20-00дан "Дом стиля"дан дефиле намойишини томоша қилиш учун сараланган мехмонлар ташриф буюришди.

Келинг, аввал кўчадан, йиғилаётган мехмонлардан, ўзим саралаганларни дефилесидан бошлаймиз:

 

Энди дефиледан ташқари мехмонлар ва шунчаки киришдан аввалги холатлар:

 Японияликлар

 Россиялик бу машхурни танидингизми? Мен хам танидим...фақат фамилдияси ёдимдан чиқди))) Крылов эди адашмасам)) у хам мехмон бўлди.

 "Хаёт учун" шиори остида Гули коллекциясидан ўрин олган махсус сумкалар. Нархи 130-140 $ атрофида. Барча тушган пуллар кўкрак саратони билан оғринган аёлларни даволашга ўтказилади.

 Гулнора Каримованинг дастхати туширилган сумка хам сотувда мавжуд.

Бу ерда GULI коллекциясидан тақинчоқлар, лосьонлар хуллас аёллар учун атир-упалар, бренд шаклидаги арома шамлар.

Менга мана бу креатив ёндошув маъқул келди: 

 Артем Дробышев. Шу йигитчани Галкинсифат девораман кўпинча....шу негадир Галкинсифатдек..Максим борку, шунга ўхшаб кетади. Гаплашганингизда, айниқса интервьюда жуда бир алламбало, ажабнавис хайратланарли ва ғайритабиий бир ижодкор. Ўзи "ижодкорлар ғалати бўлиши керак" кодекси мавжудлигини хисобга олсак, Галкинсифат...йўғэ, Артемда бу нормал равишда.)) 

Суратдаги икта ишшайиб қолган модделаримизга келсак...шу моделларга теккан касал экан, қаерда свет ёниб қолса шартта позага туриб, то чироқ ўчгунча ишшайиб тураверишади. Атайин текширдим. Қорунғуда қизлар тарафга шақ-шақ этиб босган сарим, бирдан жонланиб позага туриб ишшая бошлашади. Энди яна гапга кираман деганида, шартта ёқсам яна шартта позада ва  ишшайган...роса кулдим))) А, бу суратда эса Артемни сухбатга чорлаш пайтимда олдим.

Артем Дробышев:- Ишонасизми, атиги 5 кун ичида тикиб битирган коллекциям бўлди. Унда озгина бахордан, озгина се...(бииип)..дан фойдаландим.

Дефиле давомида фақатгина икки ижодкор учун томошабинлар жонланиб олқишлашди, биринчиси Артемга бўлган бўлса, иккинчиси Гулнорага бўлди. 

 Мана шу тарзда, келинлар либоси намойишидан бошланди.

Энди Дом стиля дефилесидан танлаб олган суратларим. Яъни диққатимни тортганлари билан танишасиз, фақат муаллифлар ким эканлигини видеодан билиб оларсиз, бу ерда суратлардан ажратиш жуда қийин, ёдимда хам қолмади, лекин хар бир дизайнер либослари намойишидан кейин, қизлар билан дизайнер чиқадиган пайти видеони ёқиб, ёзиб олдим.

  

  Бу либослао қизларни чиройига чирой қўшиши аниқ. 

 бахорни хис қилдиради..

Қўллар билан бойитилган либослар:

 Сумка стайл))) бу либосда бемалол кассир, чиптачи бўлиб ишлаш мумкин. Официантликда хам қулай. Умуман бозор-ўчарга чиқсангиз, сумкалар хожатмас, барча бозорлик либосингизда намоён!)) Практичный либос))

 Ўртадагисини юқори қисмидаги (жакет дермиди?) хуллас, ёдингизда бўлса Лолада хам шундайи бор. Райхон билан "Журналист-юлдуз" лойихамда кийганди.

  Иккинчи суратга қараб "Чаманда гул очилибдиё, юбкамга боқ, юбкамга" деган қўшиқ ёдимга тушди...шунақамиди ўзи?))) Учинчи суратдагиси эса, Туркларнинг "Сезам кўчаси" қўғирчоқлар сериалини эслатиб юборди.

 Бу либос дизайнери хозир ёдимда йўғу...лекин агар бу модага кирса, унда циркдагилар иш кийимида кўчга бемалол чиқиб юришлари мумкин бўлса керак))) Айнан шу либос менга ёқмади...