Сайтимизнинг "пульс" қисмида, Тошкент бўйлаб кечаси велосипед минганлар кўпайгани ва бу, велосипедлар хозирда ижарага берилиши йўлга қўйилгани билан боғлиқлиги хақида хабар бергандик.

Минг афсуски хар қанча соғлиқ учун фойдалик бўлмасин, унинг салбий тарафлари кундан кун ошмоқда. Хусусан велосипед минганлар хайдовчиларга халал бераётгани хақида бир икки маротаба ўзимни  хам қулоғимга чалинганди .

Бугун тунда Себзордаги  "Ганга" бўйлаб аллеяда сайр қилиб юрган пайтимиз, шундоққина олдимизда бир велосипедистни мошина уриб юборишига оз қолди. Шартта йўлга чиқиб кетган велосипедистни, жудаям бахтли тасодиф билан, хайдовчи омадли маневр қилиб уриб кетмади. "Эсинг жойдами, ўлиб кетасанку ахмоқ!" деган асабийлашган хайдовчи  сўзига парвои фалак велосипедист йигит эса, фақат "Узр, дедимку" билан йўлида давомлади.

Йўл бўйлаб қайтаяпмизки гала-гала велосипед минганлар мошина йўлларида гох қувлашмачоқ, гох ким ўзарга, ким эса шунчаки уёқдан буёққа ўтиш билан машғул эди...

Билмадим, велосипед хайдаш учун албатта гувохнома шарт эмасдир, лекин, шундоқ хам йўловчи ва ДАНдан хайиқиб таваккал қилаётган гувохномалик хайдовчиларга энди янада оғирроқ кечади. Сабаби, улар янада диққатлироқ бўлишлари керак... Аслида эса, мана шу йўлларни забт этаётган бамайлихотир велосипедистларни, айниқса гала-гала кимўзар бўлаётган ёшларни тартибга солиш чоралари кўриш керакмикан деб ўйлаб қоласан.

Зеро,  велосипед хайдаб, соғлиққа фойда қиламан деб, қандайдир бир секундда ё хаёт билан видолашиши ва ёки бир умрга ногирон бўлиб қолиши эхтимоли юқори эканлигини бугун ўз кўзимиз билан гувохи бўлдик.

Кимнидир ногиронлигига умрбод сабабчи бўлдим деб яшайдиган бегунох хайдовчидан  эса... хар доим хам "Ўлиб кетасанку ахмоқ!" деган гапни эшитмай кетиш хам мумкин...