Чет-этга гастроль сафарлари билан бораётган артистларимиз хақида оммавий ахборот воситалари ва ўша артистга ишлайдиган пресс-котиблари(ва албатта уларнинг дўсту-дугона сайтчилари)дан хонанданинг чет-элдаги концерти хақида маълумотларда концерт омадли ўтганини кўрсак, бироз кейин халқ артистидан то хизмат кўрсатганигача унвони бўлган артистларимиздан айримларини ё паспортни олиб қўйилиб депорт қилишмоқчи бўлгани, ё зал тўлмагани сабаб ташкилотчилар билан тортишуви каби  мутлақо бошқа маълумотларни оляпмиз.

Қизиғи бир икки шундай можаровий холатлар юзасидан Россиянинг бир икки сайтлари хам очиқчасига ёзганди. 

Кўпчилик гастроль концертларидан мухлислар бизларга ижтимоий тармоқдан концертни асл кўриниши хақида хабар берганида бошқа сайтларда "Аншлаг, маниа" сифатида ёритилиб турган бўлади.

Кимга ишонишни хам билмайсан киши.

Яқиндагина, айғоқчиларимиз хабар беришича,  бир давра сухбатида, артистларимиздан аксари  чет-элга гастроль сафарларида шунчаки виза ва айланиб келиш шарти билан текинга концерт қўйиб қайтишаётгани мавзуси кўтарилибди. 

Унда артистларимизни хаттоки райдери  хам йўқлиги айтилган. Рости хам бир маротаба артистларимизга райдер масаласида мурожаат қилинганида кўпчилиги уларда бу нарса йўқлиги тугул бу тушунчадан бехабар эканлигини хам айтишганди. 

Райдер-артистни талаблар рўйхати. Мисол учун бирон гастроль ёки шахардаги концертдаги иштирокидан аввал ташкилотчиларга юборадиган керакли нарсалар рўйхати. Масалан мехмонхона ундай бўлсин, гримеркада мана булар турсин, мана бундай мошина олиб юрсин, тушликда бу овқат берсин ва хоказо . Талаблар рўйхати-райдерда асосан самолётда учиб келишидан то учиб кетгунича хамма нарсалар деталигача ёзилади. Масалан артистга бизнес класс, маъмури ва раққосаларига эконом класс, мехмонхона ва грим хонасида нималар бўлиши, қандай ичимлик, дазмолу сочиқларигача. Қандай турдаги машина олиб юриши, сахнада қандай мусиқий техника бўлиши керак ва хоказо.

Ёпиқ тарзда кечган давра сухбатида Тошкентдаги "Истиқлол" санъат саройида  4000дан зиёд кишига 10кунлаб  концерт бераётган хонандаларимиз, чет-элда ярим зал томошабинлар 60-70 кишига қўшиқ куйлаб қайтиши ғалати эканлиги айтилган ва  гастрольдаги концертларга текин боргунича артист ўзини хурматини билиши, райдери бўлмаса хам хеч бўлмаса ташкилотчилардан зални тўлдириш, рекламасига пул тикиши ва хоказолар мухокама қилингани маълум бўлди. 

Бошқа тарафдан чет-элда ишлаётган Ватандошлар учун текинга концерт берса қайтанига уларга яхши бўлармиди - десак, чипталар сотилмоқда-ку, барибир Ватандошлар текинга эмас, пул тўлаб киряпти. Лекин ташкилотчилар артистга пул бермагани билан, артистни йўлкираси, ўша ерда гастроли ўтгунича яшаши ва концертни ташкилий ишларини қоплаши учун чипта сотишга мажбур.

Мазкур мақола изохларига чет-элдаги Ватандошларимизни таклиф қилиб юқоридаги холатлар юзасидан фикрларини йиғишни истадик. 

Чет-элдаги артистларимизни концертлари қай тарзда ўтмоқда? Чипталар нархлари қандай? Гастроль концертларидан Ватандошлар миннатдор бўляптими ўзи?

Шу ўринда дунё миқёсидаги артистларни райдери билан боғлиқ қизиқ талаблари билан хам бўлишмамиз:

-Guns'N'Roses гурухидаги  Эксл Роуз гримеркасида тўртбурчак тарвуз бўлиши керак,

-Эминем гастрольда  ўзини балиғи учун тахтадан сунъий кўлмак қурдирган,    

-Дженнифер Лопесни кофесини соат милларига қарши тарзда кавлашни талаб қилади,  

-Шернинг парик(ясама соч)лари учун алохида хона бўлиши керак,  

-Мэрилин Менсон  тишсиз ва кал бўлган фохиша  ва бир яшик Haribo мармелади талаб қилган.

-The Stooges гурухи 7 пакана одамларни талаб қилган  

- N*E*R*D гурухи гримеркасига арабча рақс тушадиган қизлар керак бўлган.

-Мерайа Керри гримеркасида кучукчалар, айиқчалар ва мушукчалар кўринишидаги юмшоқ ўйинчоқлардан имкон қадар кўп бўлиши керак

-Пафф Дэддига эса ўзини сурати туширилган салфеткалар мухим

-Шакира хонасида ўрдак патларидан таркиб топган катта диван бўлиши керак.  Мехмонхонаси ва у чиқадиган сахна поли ювилган ва жудаям тоза бўлиши шарт, чунки хонанда аксарият холларда ялангоёқ бўлишни хуш кўради. 

-Леди ГаГанинг оқ атиргул ёки лаванда ислик сариқ рангдаги момиқ сочиқлардан яна ғаройиб талабларидан бири унга пуштиранг туклардан иборат манекен керак))

-Барбра Стрейзанд унитазида эса хамиша янги узилган гулларнинг гуляпроқлари  сузиб юриши керак. Сув тушириб бўлингач эса янги гулларни солиб қўядиган махсус бир ишчи навбатда туришини хам талаб қилади. 

-Мадоннага ажратилган хоналар хаммаси  оқ ёки крем рангидаги гуллар ва албатта шинамлик учун пардалар билан безатилиши шарт.  Бироқ унга гортензия гулларини бера кўрманг, у бу гулни жуда ёмон кўради. Мадонна ошпазию озиқ-овқатини ўзи билан олиб келади. 

Москвадаги концертида 77та микроавтобусда Мадоннанинг техникасидан ташқари кир ювиш машинаЛАРидан тортиб  генераторгача ўзи олиб келган.

Мадоннани мехмонхонаси ўзи яшайдиган уйга ўхшаши керак, шу сабаб кўпинча у келадиган мехмонхона номери қайтадан ўзгартирилиб таъмирланади. 

Қизиғи Мадонна кетишидан аввал мехмонхона ва грим хонасини стериллаштириш гурухи тайёр туриши керак, сабаби Мадонна ўзидан кейин ДНКси қолишини истамайди. Унгача эса мехмонхона тугул гримеркада микрофон ёки камера йўқлигига амин бўлиш учун яхшилаб текширишади. 

Гастроль чоғида эса уни фанатларини чалғитиш учун нақ 5та қиёфадош хам талаб қилинади, сахна ва уни атрофидан то мехмонхона ва Мадонна атрофида умуман чекиш мумкин эмас, у тамаки хидини ёқтирмайди.