08:58 Бу премьералардан кейин "Панорама"га боргингиз келмайди)) | |
Куни кеча танишимникига кириб қолганимда, ўзимизнинг қайсидир тв каналларимизни кўраётган пайтига келиб қолдим. Ё ТВМ ва ёки НТТ . Қайсидир фильмни рекламаси бўлаётганди, Қадр-2 ёки Оқибат-2.. Ё Мехрмиди? Тўғриси эсимда йўқ, шу пайт икки дўстларим диалоги:-Қадр-2? ...А қадр-1 ўзи нима тўғрисида эди? Мана шундан кейин кеееетди бахс мунозара.... Биласизми, мана шу ёзнинг катта премьералари бўлган хар тарафлама сифатли фильмлар хақида бахс кетар экан, унинг бахси хам сифатли бўларканде))). Оддий мультфильмлардаги дид тушунчаларнинг хам савияси баланд. Бизга нима етишмайди дерсиз? Майли сифатли техника дейлик, махоратли билим дейлик... ЛЕКИН ДИД бу хар бир инсонда бор нарсаку. Ўз ишига махоратли дид билан ёндошиб, фантастик диалоглар эмас, халиги режиссерлар 4-5 яшар болакай ёки қизалоққа нореал диалоглар айттириб томошабинни йиғлатсам деб кулгуга қолгандан кўра... Бундай фильмдан кейин жамийки индиго болакайлар фақат бизнинг фильмларда туғилиб қолади деган фикр келади. Болливуд умуман уялганидан паранжи ёпиб олди ўзиям бору.. Хуллас... Келинг бугунги кунда дунё миқёсидаги долзарб фильм ва мультфильмларни биргаликда тахлил қилсак. Опоғойимлар рулят! -Мадагаскар  мультфильми аллақачон ўзини энг аъло ва модный комедик мультфильм сифатида брендини исботлай олди. Янги 3чи сонини хали кўришга вақт ажрата олмадим. Айтишларича аввалгисидан кам эмас. Менга кўпроқ пингвинлар бу сонда нималар билан яна қойил қолдиришлари қизиқ. Умуман мультфильмдаги юмор ғояси, хар бир персонажнинг характеригача юқори даражада! 3чи сериясини кўрганлар изохларда бўлишамиз.Кўриб келгандан кейинги фикрлар: -Мадагаскар-3! Ооооо! Браво! Мультфильм ижодкорларини фантазияси аниқ инсонники эмас!)))) Кардинал равишдаги кутилмаган бурилишлар инсон тафаккурини шошилтириб қўяди. Бу сафарги серияда мюзикл онлари хам аъло чиққан. Ижодкорлар мультқахрамонларнинг оддий сувга тушганидаги кўз бўёғи оқишидан, орқа фондаги кичик деталларигача ишлаб туришини инобатга олишган. Худди мультфильм эмас, фильм кўраётгандек бўласиз. Томдан пастга қараб тушадиган лавхаларида, мультфильмлигини била туриб, гўё реалликни хис қилиб юборасиз. Матрицага тақлид лавхаларига гап бўлиши мумкин эмас. Янги қахрамонлар характери мутлақ янгича ва ўзига хос. Улар томошабинни қизиқтиришда асосий қахрамонлардан умуман ортда қолмаган. Бу серия аниқ аввалги икки сериядан аъло равишда қилинган! Бир сўз билан таърифлашга умуман тил ожиз. Мен бу мақтовларни кўпроқ, мультфильмнинг техник жихатлари, ундаги фантазия ва сценарийсига айтмоқдаман. Юморни эса таърифлаш... "вынос мозга" ва "мозговой шок"! -Три метра над уровнем неба-2: Я тебя хочу...(вуйяй) фильмини хам хали кўришга улгурмадим,  лекин илк фильми бутун дунё бўйлаб яхшигина БУМ бўлди. Менимча янги қиёфалар, эхтирослар қайноқлиги ва умуман янгича романтика бўлганигами катта омадни қучоқлади. Бу фильмнинг илк турига Б.Рахнаманинг "Пейдо" қўшиғига лавхалардан монтаж қилиб клип қилгандим. (манба) Менинг ўзбекча монологимга форсча қўшиқнинг испанларнинг фильми намоёнлаши ўзиям вахший клип бўлган-ов)) Хуллас, мазкур эмоционал-истерик романтик фильмнинг иккинчи қисмида айтишларича Аче ўзига мос шаддод қизни учратар экану, яна ўша Баби йўлидан чиқаркан... Бир вақт топиб у бевафо қизни Аченинг кўзларига қандай боққанини кўриб келишим кереде... Кўрганлар изохларда бўлишамиз.-Белоснежка: месть гномов.  Менинг энг севган актрисаларимдан бўлган Джулия Робертснинг бу фильмдаги роли менга қизиқ туюлгандикуя...буниям кўришга қачон вақт? Лекин танишларим фильмни зерикарли дейишмоқда...Сизлар нима дейсиз?-Белоснежка и охотник. Опоғойимлар бу йил тенденцияда шекилли а? Бу фильмни кўрдим...хм...эффектлар аъло, ёвуз маликани ролига умуман гап йўқ, супер!  Шарлиз Теронга респектларим! Фақат Белоснежкага бошқа актриса йўқмиди дедим.  Сумеркидан ёқтирмасдим шу писмиқни ўзи тўғриси. Қанақадир...қанақадирроқде шу қиз. Кейин фильм менга Властелин колецни жудаям кўп маротаба эслатди. Хуллас ёқ-ма-ди!-Храбрая сердцем.  Яна малика...ва яна Рапунцига тақлид дерсиз? Балки бордир. Синглим бола-чақасини йиғиштириб, бориб кўриб келишибди. Катта-ю кичик қилт этмай томоша қиладиган мультик бўлибди деди.Айниқса маликанинг хаётимни ўзгартириб бер- деб, иссиқ-совуқчига борганидан, унинг адаштириб юборган куф-суфи натижасида, онаси айиққа айланиб қолиши ва айиқ холатидаги қиролича турмуш тарзини кечиши жуда кулгулик деди. изиқдим...вақт топсам униям кўриб келаман. Кўриб келганимдан кейинги фикрлар: -Храбрая сердцем кутганимдан хам яхши чиқди, хаммаси бор, экшн, ужас ва албатта юмор. Асосийси юмор кутилмаган ва дидли. Қизнинг сочлари жудаям ишонарли равишда ишланган, ростакамига ўхшайди. Болакайлар билан боғлиқ сахналари Мадагаскардаги пингвинларни эслатиб юборди. Енгил тақлид бордек. Лекин айнан уларнинг персонажларини кузатиш жудаям мароқлик. -Новый человек паук.  Тўғриси эски ўргимчак одамлариям ёқмасди. Умуман шу фильмга иштахам қилт этмадиде. Детский фильм. Ўзи ўргимчакларни жиним суймайди. Яна ўргимчак қахрамон бўлса...хм... Уларда хам фантазияда оқсаш бўлиб туради а))) Тасаввур қиляпман яқин келажакда Голливуднинг хит фильмлари "Чигиртка қахрамон", "Бешиктебратархоним-3", "Учар товуқлар-7", "Чумоли сумо-2", "Хипчабел хўкиз".. ва хоказо)))Тўғрида, кўршапалакни Бетмен қилишди, Пандани каратист, Мушукни хам қахрамон қилишди (Халли Берри роли), ... ва хоказо хуллас. Бу фильмни эса мегаянгисига хам бормайман. 3 ёшдан 13 яримгача. -Ледниковый период-4.  Хайвонлар хақидаги супермультяшкаларнинг яна бир аълосию, лекин барибир Мадагаскарга етмайди. Шунинг учун жуда катта қизиқиш билан эмас, шунчаки ортиқча вақт бўлса, уйда хам ўша кинозалдан ёзилган турини, шунчаки танишиш учун кўрган бўлардим.Мадагаскар рулит! Шаг вперед-4.  Санъат олами ва айниқса раққосларнинг суюмли фильми. Бу фильмдаги сочи жингалак бир йигитга ўхшаш Злотников рақс гурухидаги бир раққосимизга талаб айнан шу ўхшашлиги учун кучли бўлса керак. Юселнинг рекламасигача чиққан бу йигитча клипларда хам ўша фильмдаги рақслари билан хам фаол. Хуллас у фильмлар кетма кетлигига келсак, ажойиб постановка, хақиқий ижодий санъат фильми! 4 қисмини афсус хали улгурмадим кўришга, лекин албатта томоша қиламан. Зеро бу фильмдан кейин аксарият хонандаларнинг клип ва концерт постановкалари фильмдаги сахналар каби бўлиши модага киради. Мана шунақа гаплар, Тошкент кечаларида хордиқ чиқариш учун ўзингизга мосини танлаб олға! Лекин аниқ хақиқатим: Бу фильмларни кўргач....хечам Панорамадаги премьераларга боргим келмайди. Борсам хам тезда қочиб кетгим келади))) Камдан кам ўзимизнинг фильм мени охиригача ушлаб туради. Ва аксарият холда бу мени таклиф қилган ва шунчаки маълум ижодкорларга хурмат юзасидан бўлиши мумкин.))) Қачон идиш товоқ, қайнона келин, бой камбағалу ва 4-5 ёшлик болакайлар кўз ёшини оталар сўзисидан фарқли фильм олинаркин? Сизларни билмадиму, бугунги планим Премьер холлга олға!)) | |
| Бўлим: Premyera | Кўрилган: 13252 | Чоп этди: Sayyod | |
Нравится
| Барча изохлар: 33 | |||||||||||||||||||||||||||||||||
Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ! Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин! -Қолдирилаётган изох ўша мақоладан ташқаридаги мавзуда бўлса хам ўчирилиши мумкин. (батафсил манбаа)
Изохлар модератори NOZI, Шахло Қодирова ва Бекзод
UZFUNFACTORY & Sayyod media group © 2024
  
| |||||||||||||||||||||||||||||||||
0
ja bo'masa ntt da jinnicha qilib tarjima qib ko'rsatishadi, ehe bunaqasi judayam ko'p bo'gan 
