"Наво" телеканали,  ўзи сизларда бир клипни қўйишгача бўлган расмиятчилик ва хужжатбозлик чек-чегара билмайдигандек, нархларингиз хам палон сўм (ё доллармиди?) бўлса, нега шунга яраша бадиий кенгашни ПЛАГИАТни текширадиган тарафи йўқ?

Кимнидир қўшиғини ўғирланганини билмасликка бахона қилманг, мана хонанда Хусан Россия примадоннаси Алла Пугачеванинг "Миллион алых роз" даврлар оша тарихий бўлиб улгурган  шлягерини ўзбекча матн ва янги аранжировкада куйлаб чиққани эфирда "айланмоқда".  

Елена Папаризоунинг "My Number One" қўшиғини мусиқаси "Наво" каналида янграганида, ажабландиму бироқ, қарасам Аваз Олимовнинг ўғли уни ўзбекча қилиб куйлаяпти, ха майли отасини изидан дегандек, от ўрнини той босар, плагиат ўрнини плагиатча)) Умуман олганда  Аваз Олимов,  Асалхўжаевалар ва Комиловлар оиласига бефойда. Юқоридаги мақоллар хам бекорга чиқмагани бунинг яққол исботи. Яна "Яблоко от яблони далеко не падает" ва " Қуш уясида кўрганини қилар" каби турлариям бор)

Тавба...ижоддаги тарбия шундай бўлса... билмадим шахсан ман учун ғалати бу! Ахир бу хам ўғирлик турику! Қандай қилиб буни оилавий тарзда қилиш мумкин?)

Хозирча оилавий ижодкорлардан бу борада Жўраевлар намуна!

Хурматли "Ўзбекнаво" эстрада бирлашмаси ва "Наво" телеканали рахбарияти!

Ижод қилишга, изланишга ва муаллифлик ижод намуналарини тақдим этиш учун айнан мана шу плагиатга бўлган жимлик тўсқинлик қилмоқда.

 Хонандаларни хам кўпайиб кетиши сабаби шу, оддий исталган қўшиқни қайта хохлаган куйга солиб истаганича у қўшиқни зўрлаб ташлаш имконияти мавжудлигида!

Йиғилиб мажлисда минг мартта қайтарган ва танқид қилган бефойда! Бизни қўлимизда эмас бу, бундоқ ўша баландпарвоз гапларни амалида хам кўрайлик илтимос!

Қачон тартиб амалда бўлади ё яна фақат қуруқ гапми?