Алишер Тайр хақида билганлар уни бастакор, ғоячи, аранжировкачи сифатида ва У.Рахматуллаевнинг ўғирланмаган қўшиқларидан энг омадлилари айнан шу йигитга тегишли эканидан билишади. Менга тақдим этилган видеолавхалар орасида  У.Рахматуллаевнинг концертидан бир лавха бўлиб,  унда Алишер Тайр унга ёзиб берган бир қўшиқни ўзи хам жонли куйлаб берганидаги ижросини тинглаб тасанно айтдим!

Уни ўзи хам қўшиқ айтишидан бехабар эдим. Шахсий фикримча овози хам ижро махорати хам ўзини мижозидан кўра анчайин юқори ва ёқимлироқ.

Айни дамда "Оддий бола" ва " Simple boy"  қўшиқларига ишланган клипларни тақдим этарканман (Бир қўшиқ икки тилда, клип хам бир) бу қўшиқларини тинглаб, бу клипига қараб туриб хорижининг 80 йиллар охангию Россиянинг Земфираси кўз олдимга келди. Ўша соддалик, ўша енгиллик ва қалб парвози...

Парвоз!

Алишер Тайрнинг Тайр тахаллуси маъноси хам аслида қушни англатишини айтганди. Қандай қуш эканлигини эса хозирча аниқлай олгани йўқлигини айтаркан қалбида мусичадек беозор ва хадиги бор қушдек айта олишини билдирди. 

Шундай содда ва енгил парвоздаги ижод бизни санъатимизга жудаям мухим назаримда.

Клипидан хам   ортиқча бачкана ялтир-юлтур либос, қотма-қатлама соч турмаги ва хозир эркак хонандаларга хам модага айланган бўянишгача Алишер Тайрга бегоналиги ва асосий урғу қўшиқнинг атмосферик кенгилига эътибор билан тоғлар қўйнида олинганлигини кўрамиз. 

Бу икки видео хеч қандай рекламасиз фақатгина ютуб каналларига қўйилганига қарамай бир хафта ичида 7мингдан кўпроқ кўрилган. Ўзингиз кўриб бахо беринг:

"Оддий бола" Ютубда томоша

"Simple boy" Ютубда томоша