 Ёдингизда бўлса, Равшан Намозовнинг миллий қўшиқларимизни рок билан уйғунлаштириши эътиборга тушганди. Севара Назархоннинг фольклёрни джаз билан уйғунлаштирган тури эса дунё миқёсида хам эътиборни торта олган. "Дадо" гурухининг афро-ўзбек тажрибаси эса шоу-бизнесда катта тўнтариш хосил қилиб, нафақат ўзбек ёшлари, балки МДХ давлатлари, хусусан Россияда хам катта қизиқиш остида бўлиб келмоқда. Шу ўринда албатта Диджей Пилигримни ижодини хам таъкидлаш жоизу, лекин эклектикага, хусусан юқорида кўрсатилган тарздаги тажрибалар унда кузатилмаган.
"Дадо" гурухи ижоддан четлашгач, шоу-бизнесда умуман бундай тажрибакор йўналишлар сезилмади. Фақатгина яқин орада "Беном" гурухининг "Где-то" қўшиғи "Дадо" гурухини нафасини сездирди. Буни "Беном" гурухи йигитлари яширишмади хам, ва ўша "Дадо" гурухига қизиқиш остида ижод бошлангани ва бу тарона хам айнан улар йўналишида бўлганини маълум қилишди. Бироз вақт ўтмай эса интернет оламида "Дадо" гурухи борлиги ва ижодга қайтаётганини эслатди.
 Муниса Ризаеванинг "Айрилма ёр" таронаси миллизмнинг джаз билан уйғунлашган ва рақсбоп тарзда тақдим этилгани қандай кутиб олинганини умуман айтмаса хам бўлади. Ёдингизда бўлса айнан сайтимизда премьера қилинганидаёқ "заразная песня" сифатида таъкидлаб, бу қўшиқ хит бўлиши сезилганди.
Дархақиқат, халқ бир маромилик бўлган ўша 6Х8 йўналишидан қулоқлари чарчаган кўринади. Балки, шунинг учун тўйларда хориж қўшиқларига талаб туша бошлагани шундандир?
Санъатда турфа хиллик мухим, мабодо четдаги йўналишга қизиқиш борми, демак ўзимизни тури хам бўлиши керакдир? Муниса янги нафас билан ўзига торта бошлагач кутилмаганда...
Ха, ха умуман кутилмаганда Ботир Қодировни ТВМдан бу қўшиғи ва клипини кўрган одам хам хайратланди ва хам тан берди.
 Биринчидан, Ботир Қодировни мутлақ миллий қўшиқлар билан кашф этганимиз сир эмас, "Алдамадим" қўшиғи ва унга ишланган клип ТВ каналларида "айлана" бошлагач, йўналишини ўзгартираётганидан дарак бўлдию, лекин бу тариқа 775%га ўзгариб, Африка қитъаларигача адашиб келишини хеч ким кутмаганди.))Асосийси тарона, унинг динамикаси, рухияти, ижро ва айниқса клип аъло чиққанини тан олмай илож йўқ.
Шоу-бизнес нафақат шоуни, балки ижоддаги таваккаллик ва тажрибани тақозо этади, ва фақатгина ижодий ёндошиб, янгилик қилишдан қўрқмай, ўз махорати ва санъатига ишонган одамгина бунда омади чопса керак. Бунинг яққол исботи Ботир Қодиров. Эртага Шахзодами, Лолами ё Райхонми мақом айтди деса ишонмаслигимиз мумкин, хайратланишимизку табиий. Лекин эпласачи? Аслида мана шунда хамма гап.
 Ботир Қодиров: - Қўшиқ бастакори Илхом Маматов, аранжировкачи Жасур Бадалбоев. Ғоя ўзимга тегишли, анча пайт бошқачароқ бир қўшиқни истаб изланиб юргандик. Нихоят танлаб-танлаб мана шундай кўринишда қўшиқни амалга оширдик.Клипни хам ўзимни ғоям асосида Дубайда клипмейкер Жасур Шаметов билан суратга олдик. Дубайдаги бир ўзбек оиласининг ёрдами катта бўлди. Клипда қиз хам айнан қора танли бўлишини истаганимда маъно бор. Чиройлик қизлар фақат оппоқ бўлиши шарт эмаску. Айнан қора бўлса хам хаммадан гўзал бўлишга хақли инсон сифатида, у хам севилиши керак, ва қахрамоним учун у қандай бўлмасин хаммадан гўзал деган воқеа кўрсатилган. 2 йиллик танаффусдан кейин яккахон концертни тақдим этаман. 16-17 февраль кунлари "Истиқлол" санъат саройида "Дийдор учун" деб номланган концерт дастурим бўлиб ўтади. Хозирда ўзимни шахсий очган студиямда янги қўшиқлар ёзилмоқда.
Хўш, талабларга биноан, Ботир Қодировдан афро-ўзбек эклектикаси "Гўзалсан"ни кутиб олинг!
 КЛИП:
| 
Қўшиқни мп3 турини тасиксдан кўчирмоқ 3мб
0
DUBAY CHOLLARI 