12 сентябрь куни мен, Шахноз ва продюсер Мурод Мадрахимовлар эрта тонгдан Бухорога йўл олдик. Чипталарга улгурмаганимиз боис, Навоийга учиб, у ердан Бухорогача бир соатлик йўл экан шуни режалаштирдик.
Навоий аэропорти бизни совуқ кутиб олди)). Сабаби хаво совуқ эди.
 Йўлда пахтазорлардан бефарқ ўтиб кета олмадик ва умримда қилмаган ишимни тажриба қилиб кўрдим: пахта тердим)) пахтабўрон хам қилдик))
Дархақиқат, бир соатга хам бормай Бухорои шарифга қадам ранжида қилиб, Малика деган мехмонхонадан қўним топдик. Бухоро эса бизни шамоллари билан қарши олди.
 Соат тонгги 10лар атрофида бўлгани сабабли, бироз шахар айланиб, Бухоро таомларини татимоқчи бўлдик. Мехмонхонамиз шундоққина Бухоронинг машхур "Лаби ховуз"и олдида бўлгани учун, узоққа бормадик.
Қизиғи, официантдан Бухороча шашлик сўрасак, йўқ "Лаби ховуз"да фақат Кавказ шашлиги қилинишини айтишди. )))
Биронта Бухороча таом сўраганимизда ош таклиф қилишди.
Ммммм таъми хануз оғзимда)) Бухороча палов зўр экан)
 соат 18-00да мўлжалланган "Тож махал" ресторанидаги тўйга келганимизда мехмонлар энди йиғилаётганди.
Бизни Адизни синглиси кутиб олди.
 Шахноз шу кун тўйда фоторепортер бўлишни тажриба қилди. Суратларни Шахноз нигохи билан кузатишни давомлаймиз:
 Убайдулло Омон
 Режиссер Дурдона Тўлаганова ва актриса Гулчехра Эшонқулова
 Фаррух Соипов, Улуғбек Абзалов, Отабек Махкамов
 Шахзода Мухаммедовани танимадим... шахсий фикрим, янги имиджда ёши катта аёлга ўхшаб қолгандек. Тўйда харқанча ишонтиришга харакат қилишмасин ишонмадим. Кейин суратлардан ўхшаш жихатларни топдим...Балки у катта опасидир?
 Асал Шодиева
 Октябрь сўнггида бўйдоқликка нуқта қўйиши кутилаётган яна бир актер Улуғбек Қодиров.
 Бу эркак хонанда энди Чеченистон халқ артисти. Узр исмлари ёдимда қолмади. Мухриддин Холиқов кечасида хам бир акамизни Халқ артистимиз дея таништиришди...қизиғи уларни хам исмлари ёдимда қолмаганди... Адашмасам Садаф гурухиданмидилар... Хуллас, бир танишим хазил қилгандек "Халқ танимаган халқ артистлари хам бўлиб туради".
 Алишер Узоқов
 Адиз Махлиё билан "Бодо бодо" қўшиғи остида кириб келишганида соат 19-41 эди. Қизиқ ашула экан, шу қўшиқ Бухороликларда тўйлар муборак ёки ёр-ёр ва келибди-дек куйланар экан. Тўйлар муборак деган сўзлариям бор.
 Шу куни навбатчи бўлган Бухоролик бир гурух тожикча қўшиқларни қойиллатишди. Ўзиям келин куёв кириб келганидан кейинги "бодо-бодо"дан уланиб кетилган қўшиқларга одамлар маза қилиб ўйнашди.
 Зухра Солиева
 Тўйни актер ва Адизнинг яқин дўсти Акбархўжа Расулов ва....яна бир йигит олиб боришди.
 Режиссер Рустам Саъдиев ва пародист актер Шухрат Нуралиев
 Сардор Рахимхон қўшиқ куйлаб туриб бирдан қўшиқни ўртасида тўхтатиб, халққа эътироз билан мурожаат қилди. Мавлуда Асалхўжаевани тўйларда кўрганмисиз?))) Шундай стиль))) Хуллас. Рақсга тушмайсизларми дея даврага чорлади.
Рақсга тушишди)) Тўйда "Эйфория" қўшиғи одамларга кўпроқ хуш келганини пайқадим.
 Шохруххоннинг "ююююр, кетдик бу ердааан"ига келин-куёв сокин рақсда тебранди.
Босид Рахматов, Беном, кетидан Шахноз куйлашди. Актер Санжар Шодиев хам куйлаб юборганидан хабар топганимда, тўйхонадан кетаётгандим. шок...
Билмадим...шахсан мен учун бу жудаям кутилмаган холат...
 Шахноз куйлаб бўлгач, Адиз билан табрик онларини иккинчи сериясини ўтказиб (биринчиси таклифнома олганимда эди хабарингиз бўлса,) учинчи бу тариқа табриклашишни кейинги ой камина тўйида ўтказишни режалаштирдик))
Адизнинг шахсий илтимосига биноан келиннинг юзлари акс этган суратлар қўйилмайди. Узр, бошқаларни билмадиму, лекин, шахсан мен учун фаолиятдан муносабат устунроқ!
 Эртаси куни яна Навоийга қайтиб, у ердан Тошкентга учишимиз керак эди. "Туда-обратно" деган тушунчага амал қилган холда чипта олгандикда))
Қайтишда Бухоро сомсасидан татишга кирдик...афсус у хам духовкада қилинар экан))
 Навоий аэропортига ака Ризо Спаркларида рози-ризо қилиб келтириб қўйдилар))
Шу тариқа Тошкентга 11-30да қўндик.
Адиз Ражабовга чин дилдан бахт тилайман!
Ўзи Тошкентдаги аксарият тўйларга бормайману, лекин Адизники агар Мадагаскарда бўлганида хам аниқ борардим!
Бу йигитни санъат оламида хурмат қилиб яхши кўрмайдиган одамни ўзи бўлмаса керак. Оилавий бахт тилаган холда, ўзига ўхшаган халқ ардоғидаги фарзандлар отаси бўлишини тилаб қоламиз!
|
1
