8 соатлик "Соска-шоу!" Боғча битирув кечаси, қалай? Baxs| Tanqid | Janjal
8 соатлик

Ёқдими?

Бошқаларга хам кўрсатинг:

Бугун "Версаль" тўйхонасида соат 15:00дан то 23:00га қадар катта тадбир, қаторлаб лимузинлар...базм гижбадабанг стилида...

Тўй эмас!

Юлдузли тақдирлаш маросими?

Йўқ!
Нахотки битирув кечаси?
Ха!


Фақат боғча болалариники!!!

 

 

Ана бўмасам!

Тошкентни уч туманида филиали бўлган "Карьера" ўқув марказининг   «Карьера с колыбели» деб номланган  1 ёшдан то 7 ёш(!)гача бўлган мактабгача тайёрлаш  курси бугун битирувни мана шу тариқа ўтказмоқда.

Соат 15:00дан то 19:00гача 150тача  болалар учун  ва соат 19:00дан то 23:00га қадар уларнинг оналари учун базму жамшид!

 

Ўқув маркази рахбари тарафидан қатъий талаб асосида оналар ва болалар хаммаси бир хил алохида либос тиктириши ва хар бир болага лимузинда келиш талаби қўйилганлигини ўша ерда бўлган оналардан бири маълум қилди.
350.000 сўм хар бир боладан лимузинни ўзига.

 

 

"Версаль"да шарлар учириб, институтни тамомлаган талабалар киядиган академик тўртбурчак бош кийими боғчани битиргани учун кийилган... (академик боғчадирда) энг ажойиби:  лимузиндан жуфтлик билан (!) қиз ва бола бирга тушиб келиш урфлари....  7 ёшлик болаларни бу тариқа келишларини "лав стори" фотосессиясини қилаётган оналардан биргина "ЗАГСдан хам ўтишадими?" деб сўраш қолди.  

Номлари ёзилган кексми пироженоеми ейишган ва хоказо...

Хуллас дунёни ишини 7 ёшгача йиртиб чочиб қўйганларнинг шу даражадаги тантанасига тасанно! Ахир лойиқ! Ўзи бўладими туғилибоқ эмаклаш, юриш, эмиш, ейиш ва иштон хўллаш?

"Этож целая наука! Тяжкий труд!"


Нимани қойиллатди хали бу горшокдан кети энди узилганлар?-деган савол туғилади.

 


Тарбия нима бўлади?
Болаларку хозир тушунмайди буни, хали мактабни тугатганида хам бу онларни эсламайди ва хозир уларда ундай орзу хавасларам йўқ, аммо  ота-оналарига сингдирилаётган қандайдир ғалати урфлар сабаб қаерга пулини сарф қилишни билмаётган ва қутуриб кишнаётган чўнтаклар учун хизмат қилаётган шахсий ўқув даргохлари рахбарларини ким назорат қилади?


 
Бизни даврда мактаб тугул талабалар битирув кечалари бир ўқувчини уйидаёқ ўтарди.  Бир кўчани айланиб "Мустақиллик" майдони фонтани тагидан ўтиб музқаймоқ еб "ана  шуда бахтли битирув" деб ўтиларди.

Мана бу боғча болалар учун таниқли машхур юлдузлар хам хайратга тушадиган даражадаги тантана нимага керак?

Тушунаман, жаннатмакон юртда яшаётганимиз ва тўкин сочинликни бу бир кўринишидир аммо исрофгарчилигу хаддан ошишлик белгисимасми? Бошқа оила болалари буни талаб қилиб хархаша қилмайдими? Бу нарса урфга кирса нима бўлади?

Нахотки шу даражада бойликдан қутуриб кетяпмиз?!

 

Одамларнинг тўйи шунақа ўтмаяпти эй! Исрофгарчилик деб Ислом тарафлама хам қайтариб турилса, таълим тизими ишлар олиб борса ва хокимиятлар тўйлардаги исрофгарчиликка чек қўйиш борасида  қарорлар чиқариб турсаю буёқда боғча болалари давлат тадбирларини четда уялтириб мўлтиллатиб қўядиган даражада  катта тантана қилиб турса?! Тўғрисиде...

 

 Яна Рамазонда! Соат 15:00дан то 23:00гача!

Бирор ерда  сахарлик қилишга қўйишмаяптию 7 ёшлик болаларга 8 соатлик базму жамшид мумкин а?

Хеч бўлмаса улуғ кунларни хурмати йўқмикан?

Мабодо ўқув маркази рахбарияти бошқа миллат вакили бўлсаям :

Қайси менталитет бу? Ким бўлсаям , бошқа миллат вакилими лекин шу мамлакат ва шу менталитет ичидами, хурмат қилишга мажбур!

"В чужой монастырь своим уставом не ходят!"

 

Биласизми, 1-июнь "Халқаро болаларни мухофаза қилиш куни" ва "Фахрли инсон" хайрия тарғибот лойихасини 5 йиллик байрами Рамазонга тўғри  келгани учун , бу йил уни ўтказишга иккилангандим. Аммо бемор болакайлар учун бўлгани, улуғ кунларда хайрли ишларга тарғиб билан   хайрия лойихаси бўлгани учунам ўтказишга қарор қилинганди. Энди ўзимни фариштадек хис қиляпман...

 

Нима учун давлат тасарруфидаги ўқув даргохларга чиқарилган қарорга биноан битирув кечалари ўтказиш мумкин эмасу БОҒЧА болаларига мумкин?

 

Суриштирув ишларимиз натижасида бундай  лицензия билан ишлайдиган хусусий фирмага қарашли ўқув марказлари таълим вазирликларига қарамас эмиш... Табиийки улар томонидан назорат хам қилинмас экан. 

 

Қизиқ а? Нега энди қонун хаммага баб-баравар эмас?
Фирмаси бўлса "шохи борми?" Уларни ким назорат қилади?

 

Маънавият ва тарбия деб айюханнос соладиган  идораларни нега шахсий бўлса хам аммо фуқароларга ТАЪЛИМ ВА ТАРБИЯдан фаолият юритадиганларга назорат ваколати йўқ?
Бу қонунан нотўғрику!

 

Шахсий фирмага доир медицина марказлари хам соғлиқни сақлаш вазирлигига қаралмайдими шунда? Унда қассобхона каллахона бўлиб кетмайдими?

 

Нима учун бир тизим ТАЪЛИМ ВА ТАРБИЯ ўқув маркази давлат тасарруфида бўлмаса таралабедодлик мумкин?

 
Бир Республика фуқароларини ярмига қонуний тартиб таъсир қилса ярмига эса йўқ эканда... ғалати эмасми?

 

Хамма нарсани тушунамиз, орзу хавас ва бировни чўнтагию байрамига хам барибир.

Лекин хамма нарсани хам чегараси борда ўртоқлар! Ўз уйида эмас катта тўйхонада қилиняпти. Тўйхонадаги тўйларга чекловлар қанча?!  

 

Бир жамиятдамизку! Болани бегонаси бўлмайди, бир болага етти махалла ота-она! Хозирдан шундай талтайтириш бўлса эртага нима бўлади? Уларнинг эрка фарзандлари бошқаларни  фарзандлари билан дўст бўлмаслигига кафолат борми? Бу бир занжирку. 

Исрофгарчиликка курашамиз,  катталарни изза қиламиз бироқ ...

Дунёни беринг болаларга! Аммо таълим ва тарбиявий дунёсини!

Исрофгарчилик ва талтайтиришни эмасда!

 

 

Юқоридаги вазиятга хам куласан ва хам куюнасан...эссиз...

 

Сомали ва Суриядаги болаларни кўз олдимга келтирсам...вей, узоққа бормайлик чекка қишлоқдаги болаларни хаммаси хам таълими тугул ўзи қорни тўқмикан? ...эх...

 

Ишқилиб келажакда шу болаларни  ота-онаси куймасин! Шу асосийси!


25.06.2017 қўшимча:

Бир икки янги ўзбек мамашаларга тегиб кетиб #соскашоу мақоламизни бўрттирилган ва тухмат дегани учун мақоладаги маълумотларга  фотофакт тақдим этишни давомлайман! Қизил гиламлар аро #парочка қилиб келишидан то бошдаги академик бош кийимгача! #фотофакт!  

Бу суратдаям қатор лимузинлар кўриниб турибди, юқорида эса камида 6та лимузин сурати кўринган.  Нима бўрттирилибди? Қайси маълумот тухмат?! 350.000сўмдан йиғилганини изохда оналар тасдиқлагани скриншотларини жўнатишди, фарқи йўқ ундан ташқари пул бўлмаган бўлсаям, вахоланки мақоламда бошқа(!) сумма ёзилмаган  тўғрими? Фактни факт билан ўзлари тасдиқлаб туриб нима тухмат яна?  

Мажбурий бўлмаган деганларга: мақолада мажбурий бўлган деган жойи хам йўқ, рахбарият талаби билан дейилган, рахбарият талаб қилмаган бўлса қаердан пул йиғилиб қаердан шунча тайёргарлик? Бир хил академик бош кийимлар эмасми? Оналарни кўпи яшил либосда бўлган, вей майли бу нотўғри десак мақолани энг асосийси ва инкор этиб бўлмаси: ХАЛИ МАКТАБГА ЧИҚМАГАН БОЛАЛАРГА  ЛИМУЗИНЛАР БИЛАН ВЕРСАЛЬДА  8 СОАТЛИК БИТИРУВ ТАДБИРИ ЎТКАЗИЛГАНИ ФАКТ! ТАМОМ!  Ана ГЎДАКЛАРНИ жуфтлик қилиб қизил гиламдан ўтилаётгани фотофактиям турибди!  #этожедетимать!  #версаль тўйхонаси олдида яшовчиларам 23:00гача тадбир бўлганини гувох бўлиб  тасдиқлаганиям изохларда мавжуд. 


Ўқув марказини оналар мақтагани билан мавзу ва мақола у ердаги таълим хақида эмас! 
Сўрғичдагиларни келажакда каттароғидан ота-онасидан сўрмаслиги профилактикаси хақида!  

Ман шу жамият бўлаги сифатида хам ундаги нарсаларга бефарқ ва лоқайд эмасман! Халқни изохдаги ғазабини ўқинг ва сал ўзингизни йиғиб олинг эналару мамочкалар! 
Бу жамиятда бошқаларам яшайди! 
Хуллас Крис ва Энджи опғойимлар ииииуу : #шахимат  Кстати с хайитом!

23-Июн-2017 22:48
Бўлим: Baxs| Tanqid | Janjal | Чоп этди: Sayyod
ТЕГИШЛИ МАВЗУЛАРДА:

1 master-2912   (24-Июн-2017 10:33)
Шу болаларни ота-онасини биринчи навбатда даволаш керак! Эс-ҳуши, ақли жойида бўлган одам бунақа кеча тухумдан чиққан боласига тўғри тарбия бериш ўрнига ресторанда битирув кечаси, яна камига лимузинда оборишга пулини сарфламиди. Тавба қилдим, нима бўвотти бу одамларга, узоққамас шундо ҳеч бўлмаса битта вилоятга бориб келсин одамлани қанақа шароитларда яшавотганини, ичишга тоза суви йўқ,ариқдан сув олиб тиндириб ичвотти бечоралар мажбурлигидан, жаа пулини қаёққа ишлатиши билмаётган бўлса, нечта кам таъминланган оилалар бор, қанчадан қанча етим болалар бор, ўшаларни ҳолидан хабар олсин, ўша 350 минг сўм битта шунақа етим болани оиласига берса ўзигаям савоб бўлади Рамазонда!

2 master-2912   (24-Июн-2017 10:41)
Агар ҳозирдан боласини шунака талтайтирса,бунака болаларни ёши катта бўлган сари талабиям катталашиб бораверади, бориб-бориб шунака тарбия берган ота-онасиниям бошига етади, агар бировни боласини бошига етмаса худди анови Боровскийдиги инцидентга ўхшаб. Ўзи шу воқеа мана шунака ота-оналарга сигнал бўлиши керегиди, қанақа бола ўстирвомман ўзи диб ўзига савол бериши керегиди, боғча ёшидан талтайтириб кетини кўтармасдан боласини ҳаётдаги қийинчиликларга тайёрлаш кере, хеч кимни ҳатто ўша ота-оналарни ўзиниям боғлаб бермаган, эртага ўлиб кетса, бу тўкин сочин ҳаётга ўрганган болалар қанақа инсон бўлиб етишади, буёғини ўйлармикан шуларни ота-онаси!

3 8287147   (24-Июн-2017 12:00)
Бунака тадбирлар боладан купрок ота-онасини орзуси диб биламан. Бу тадбир ута бачканадек туюлди манга. Ортикча харажат ва вакт!!!

4 muussii   (24-Июн-2017 12:13)
50 000 ming sumdan yig'ib, FAXRLI INSON loyixasiga xayriya qilganda, qancha mablag' yig'ilgan bo'lardi, bolalarga moshinadan ko'ra artistlar qiziqroq edi. O'sha bog'cha mudirini bir suhbatga chorlasangiz bo'larkan Sayyod. Qanday, judayam farosatli inson ekanki, bundan oldin xali xech kim qilmagan ishlarni boshlab yursa. Faxrli inson loyixasigayam birorta yangi fikr berib qolar balki wacko wacko wacko wacko wacko . Ota-onalar ham indamay rozi bo'lganiyam judayam qiziq.

5 Muxlis   (24-Июн-2017 13:40)
Afsus...jazolash kerak!

6 Aksakal   (24-Июн-2017 16:54)
1- Узбекистан - светское демократическое государство (верховенство закона), и тут свобода совести. А проведение праздника не противоречит
законодательству Республики Узбекистан. 2- Слава "Всевышнему" и Руководству нашей страны что у нас тут не "Сомали" и не "Сирия", хотя все мы им
сочувствуем. 3- А самое главное в "Карьере" очень достойное образование, которое в будующем будет направлено на благо страны. Так утрите нос те кто
таким образом хочет дискредитировать данное образовательное учреждение. А "Карьере" респект и уважение. Спасибо Вам за Вашу работу.

7 Abdulhafiz   (24-Июн-2017 19:11)
Shu tadbirga ketgan pullarni Mexribonlik uylariga berishsa katta savob bolardi essiz. Shu tadbirni tsshkillashtirganlaru xamma xammasiga afsus deymiz...

8 Gippokrat   (25-Июн-2017 01:42)
Essizgina bu ishni tepasida turganlarni hammasini bir nima ekan derdimu haqorat bo'ladida... Bu qanaqa dunyoqarash bu qanaqa tarbiya??? Shunaqayam tor fikrlaydimi, shunaqa fikrlaydiganlar bolalarni tarbiyalayaptimi, juft bo'lishga b bormi??? Shu xolat bo'yicha jazo qo'llanilishi shart deb o'ylayman. Nega endi faqat davlat idoralari rahbarlari ishdan ketishi kerak ekan. Bular ham javob bersin!

9 Solijon   (25-Июн-2017 07:32)
Jinni bōlib qolmoqda odamlar afsuuuus

10 Дилфуза Исакова   (26-Июн-2017 00:04)
Halk talini nima kozi kor kulogi karmi bu tadbirga
f

11 калампир   (26-Июн-2017 02:59)
21 аср болаларини тарбиялашвотти шекилли.ёш болаларни жахолат каърига тортишвотти.астагфириллох

12 Happymother   (27-Июн-2017 21:58)
Nima keregi bor shunaqa ortiqcha chiqimlarni?! Orzu havas hammadayam buladi. Lekin odam zoti me'yor digan narsani bilishi kereku. Bolalaniyam halittan kO'zini yog' bostirib. Umuman bumapti bu tabirligi. Kamtarlik, ibol hayo, milliylik degan tushunchalar umuman yo'qolib keadiku bunaqada. Love story, parochkamush. Ona suti og'zidan keetmagan bunaqa jipiriqlaga nimasi bular. Ertaga qizlarimiz o'gillarimizni tarbiyasi nima bo'ladi????? b O'zbechiliga bunaqa gap so'zla to'ri kemidi. Ta'limni hammayam bera oladi. To'g'ri tarbiya berish bu katta mahorat!!!!

13 YAK   (29-Июн-2017 15:55)
Ундан кура ён кушнингни 1 кило гушт, 4 та нон олиб куриб чикмайсанми. Ётиб колганига 1 йил булган ёки нариги кушни бокувчиси йук зурга кун куряпти шунга бер бир умр дуо килади шу фарзандингни.

14 ledy   (09-Июл-2017 02:40)
Ёш болаларга шу битирув кечасини килиб бермаса хам фарки йук. Хеч нарсани тушунишмайди. Демак, бу ВИП садик. 350. минг билмадим. Рф.да оддий садикни оддий битирув кечаси учун. (Кафе ресторансиз, чайпитие холос) бундан куп пул йигилади. Ота оналар аник 25-35 еш булишса кк. Нима килади халитдан болалардан келинча-куёвча ясашиб.

15 Shohi   (14-Июл-2017 22:52)
Aksakalга жавоб: 1-,2-, 3-дан деб ўзингизча "Карьера"ни ҳар тарафдан оқлашга ҳаракат қилибсиз. Демак, бу муассасага бегона шахс эмассиз. Сизни ҳам тушуниш мумкин: ёки таъсисчи, ёки ота-онасиз, фарқи йўқ. Ҳар икки ҳолда ҳам жамият учун керакли шахсларни тарбиялаяпсиз, ўзингизча. Бироқ, жамият гўдаклигиданоқ такаббурлик, кибр, тантиқлик сингари иллатлар соясида тарбия топаётган норасидалардан қанчалар фойда кўради, дейсиз? "Бизда Сомали, Сирия йўқ", дебсиз. Шукр, гапингизга қўшиламан. Лекин, шуни ҳам унутмангки, Ўзбекистондаги бугунги фаровон ҳаёт сиздақа тоифадаги инсонларнинг тасаввуридаги карьеристларнинг эмас, чин маънодаги Ватан фидойиларининг чинакам машаққатли меҳнати туфайли барпо этилмоқда. Уларнинг болалиги эса, оддий қишлоқларда ўтган, уларнинг болалиги сиздақаларнинг тасаввуридаги феерверклардан ҳоли, иймонга йўғрилган ҳолда ўтган. Сизнинг 1-2-3-аргументларингизга асосий жавоб: Исломда инсон камолотига ягона йўл - иймон йўлидир. У кибр, такаббурлик сингари ўз-ўзига бино қўйишни назарда тутмайди. Хафа бўлманг, аксар карьеристлар бахтни хориж давлатларидан қидираётгани ҳам сир эмас. Сардор, мен Сиз тарафда. У меня нет желания дискредитировать такое учреждение, но, всякое явление которое противоречит менталитету, а также, отрицательно влияющее на духовное воспитание, должно быть игнорировано законным путём. Я сама из кишлака. И я глубоко уверена: вся роскошь которую вы защищаете - неуместна в этом возрасте. Всему - свое время. Кстати, роскошь - проходящяя вещь. И наконец, я учительница. По моему, детей воспитывают с любовью и умом. Если мы желаем себе и детям счастливой жизни, очнитесь. У монеты есть две стороны. Нельзя ошибаться в воспитании будущего поколения. Сардор, барака топинг, мақола учун раҳмат.

Исмингиз *:
Email(шартмас):
Код *:

Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: 

Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ!

Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин!

-Қолдирилаётган изох ўша мақоладан ташқаридаги мавзуда бўлса хам ўчирилиши мумкин. 

(батафсил манбаа)

Изохлар модератори NOZI, Шахло Қодирова ва Бекзод

Реклом:)
 
Adolatsiz haqiqatlar [32]
Arhiv [0]
Baxs| Tanqid | Janjal [460]
BeshBet [20]
Din [77]
Duel [2]
Expresso [31]
FIKRiston [55]
Hit-Parad [42]
Ijara qo'shiqlar [25]
IJODiston [74]
IMPRO-TK [18]
Jonli ijro [4]
JuMaNjI [51]
JurYuldus [10]
Kaktusso [5]
Yoqimsiz ammo foydali suhbat
Kongil [0]
Kundalik-shou [13]
Realiti serial
Mashhur ko'targan mavzu [2]
MP3|Video [1012]
Muhlis Minbari [214]
Ovoznoma [6]
Luiza bilan
Premyera [11]
Prikol [100]
Paparacci-ppc [0]
Podstava [3]
Realiti shou [66]
Retro [7]
Sayyod-show [25]
Sport [17]
Shantaj [6]
Videoloyiha
Shunchaki qiziq [27]
Suhbat | Intervyu | Reportaj [582]
Tabriklar [168]
Taqdimot [46]
Hayriya| Akciya | Tadbir [238]
Turk shou-biz [16]
TV | Teatr, Kino.uz [121]
Yangiliklar [767]
Yulduzning qo'shnisi [4]
Mashhurlarning qo'shnilariga so'z
BIRINCHI-SHOU [5]
Radio Grand bilan
Кимлар:

Хозир шу ерда: 16
Мехмонлар: 16
Рўйхатдагилардан: 0