Халқаро хотин-қизлар куни 8 – март байрами, аёллар учун алоҳида байрам ҳисобланади. Бу сана дам олиш куни деб эълон қилинган.

Биринчи марта Америка Қўшма Штатларида бу кун байрам куни деб эълон қилинган ва 1909 йилдан 1913 йилгача, февраль ойининг охирги якшанбасида нишонланган. 

Бошида байрамнинг қайси куни нишонланиши борасида, кўп чалкашликлар бўлган.

1911 йилдан Халқаро хотин-қизлар куни Германия, Австрия, Даниява Швейцария 19 мартда нишонлана бошланган. Кейинчалик эса, 12 май санасида нишонланган.

1914 йилдан эса, аниқ 8 март куни байрам санаси деб белгиланган.

Бу кун Ангола, Гвинея, Камбоджа, Хитой, Конго, Лаос, Македония, Непал, Жанубий Корея ва Уганда давлатларида ҳам дам олиш куни деб эълон қилинган.

Ҳозирда бу байрам кўпгина давлатларда дам олиш куни ва аёллар байрами деб ҳисобланади.

Бу куни аёллар доимо қандайдир совға кутадилар. Эркакларимиз эса бу куни унчалик ҳам ҳушламасликлари аниқ, албатта.)))

Мактаб ўқувчилари томонидан, ўз ўқитувчиларига бу куни совға тақдим қилиш одати олдин ҳам бор эди, ҳозирги кунда ҳам давом этмоқда албатта. Шунингдек, бу куни онажонларимизга ҳам совғалар тақдим қиламиз. Бу энди чин кўнгилдан бўлади назаримда, чунки уларга ҳар нимаики тақдим қилсак-да кам, деб ўйлайман.

Хўш, аёллар аслида бу куни қандай совға кутадилар ва эркаклар томонидан уларга қандай совға энг кўп тақдим қилинади?

Энг кўп тарқалган ва аёллар томонидан одатий, зерикарли ва шунчаки эътибор сифатида деб қабул қилинадиган совғалар, бу гул ва атир ҳисобланар экан!

Афсуски, эркаклар ана шу икки нарсани байрамда аёллар учун энг яхши совға деб, кўп сотиб олишар экан))))

Ундан кейин эса, яхши қабул қилинса ҳам, одатий совға деб эътироф қилинган нарсалар: мусиқали открыткалар, пардоз буюмлари ва ҳар хил кийимлар ҳисобланаркан. Албатта бу кузатишлар натижасида аниқланган экан.))))

Ҳар бир аёл эса, бу куни қандайдир оригинал ва такрорланмас совға кутиши табий. Лекин улар ичида улар унчалик ёқтирмайдиган совғалар қаторига, китоб, торт, кассета ёки дискларни киритиш мумкин бўлиб, аёллар бундай совғаларни негадир ёқтиришмас экан.

Ўзи аёллар жуда ҳам орзу қилиб кутадиган совғалар қаторига эса меҳр, ширин сўз ва муҳаббат, ҳамда ҳар хил бижутерия ва тақинчоқларни қўшиш кераклиги аниқ деб топилган бўлиб, аёллар бу совғаларни жуда қадрлашар экан.

Энг яхшиси, аёл кишини дидига мос, уни қизиқишларига яқин совға олишингиз тавсия қилинади.

Аслида эса, аёл кўнгли нозик ва бир оғиз ширин сўз ҳам, ҳар қандай қимматбаҳо совға ўрнини босиши мумкин! Албатта, энг яхши совға эса бу сизни унга бўлган муҳаббатингиз ёки эътиборингиз назаримда.

Мени ўзим эса, аёл киши сифатида совға борасида, яқинларимга энг яхши совға тилла ёки кумуш тақинчоқлар деб ҳисоблайман. Яқин ва ўзимга қадрли инсонларимга, фақат тилла ёки кумуш тақинчоқлар совға қиламан, яқинларим ҳам менга шундай совға тақдим қилишади. Албатта ҳаммаси ҳам эмас))). Мени эса негадир энг ёқтирмайдиган совғам эса, бу гул. Лекин, энг муҳими, қандай совға бўлмасин, чин дилдан ва самимий, ҳамда ширин сўз билан туҳфа қилинса, бу шуни ўзи ҳам энг қадрли совға бўлади назаримда. Аммо, мен ўзи негадир байрамларни унчалик ҳам ёқтирмайман.

8 – мартни байрам қилинишига қайтсак, бу байрам ҳақида ҳамма ҳар хил фикрда. Кимлардир уни нишонлашса, кимлардир нишонланиши керак эмас деб ҳисоблашади.

Лекин, ҳеч ўйлаб кўрганмизми, аслида оналаримиз, опа-сингилларимизни табриклашимиз, уларни кўнгилларини шод этиб, қадрлашимиз учун, фақатгина 8-мартни кутишимиз шартми? Уларга фақатгина йилда бир кун, 8–март кунигина эътибор қаратишимиз, ширин сўзлаб, табриклашимиз керакми? Улар учун ҳар бир кунни 8-март байрам кунидек, завқли ва чиройли кунга айлантирганимиз яхши эмасми, деб ўйлайман.

Бунинг учун, уларга ҳар куни нимадир совға қилишимиз шарт эмас назаримда. Фақатгина меҳр ва ширин сўзимизни аямасак, уларга озгина бўлса ҳам эътибор билан яхши муомала, шуни ўзи ҳам уларга бир совға бўлса керак менимча.

Исломда аёлларни, оналарни ҳурмат қилиш ва қадрлаш ҳақида айтилган, айниқса оналарни. Аммо, исломий тарафдан, бу байрам нишонланиши керакми ёки йўқми, бу борада билимларим бироз ожиз.

Сиз нима деб ўйлайсиз? 8 – март Аёллар байрами сифатида байрам қилинишига қандай қарайсиз? Исломий тарафдан–чи? Оналаримиз, опа–сингилларимизни қувонтириш учун, йилда фақат бир кунни кутиб ўтиришимиз шартми? Бу борада ва умуман 8 – март ҳақида, сизнинг фикрларингиз қандай?

Феруза Фаттохова