2015 йилги концертлар хақида. Тайёр баннерлар нималарни "сўзлайди?"

Узоқ кутилган концертини нихоят тақдим этаётган Манзуранинг концерт баннери эътиборни тортмай илож йўқ. Креатив ғоялари билан хамиша хайратлантириб келган Манзурадан анчадан бери ўша ўзгача бир намоёнланиш бўлмаётганди ва мана18 йиллик ижод сархисоби сифатида тақдим этилажак концертни баннери ўша Манзурани ёдга солмоқда. Шу кўринишда баннер бўлса концертдан кутаётганимиз янада қизиқ бўлса ажабмас. Шоу-бизнесимиз бейбисини концерти шахсан мен учун кутилаётган ва жуда қизиқ. 

Шу қизни овози жуда гўзал. Шарқираб оқаётган булоқ товуши билан булбул навосини уйғунлашгани сезилади. Гулсанамни очиғи кўп қўшиқлари менга жуда ёқади, овозию куйлаш махорати жуда гўзал.  Нихоят жонли ижродаги концерт. Ха энди Халқ артисти бўлганидан кейин жонли бўлмаса хам бўлмасдида! Гулсанамнинг хулқи ва ижоди кўринишдаги  ва нақ 6 кун жонли ижрода ўтишини ваъда қилаётган   баннердан бу концерт мен учун жудаям қизиқ.  Унинг сўнгги ижод намуналаридан "Келмадингиз" қўшиғини айнан концертида куйланган жонли тури хануз мен учун севимли тарона. Айтганча, бундан аввалги концертини хам жонли ўтган дейишди, билмасам, ё реклама етарли бўлмаганмиди ё биз беэътиборлик қилдикми... хуллас Гулсанамни концертида мехмон бўлиш иштиёқи бор. 

Шохруххоннинг бу йилги концерт баннери эски суратларидан фойдаланилгани сабаби бор экан. Айтишларича  янги фотосессия ғоясини ўзидан у ундан кўра эски фотосессия суратларидан фойдаланишни лозим топган. 

Бу йилги берган концертида шоу етарли бўлиб аксарият ёшларга ёққанди. 2015 йилги дастур қандай бўларкин? Хозирда кўпроқ қизиқтирган мавзу доирасида қарасак: Концертгача уйланармикан ё кейин? Балки сахнани ўзидаёқ карнай-сурнайлар билан а?))

Мана бир неча йиллардан бери  хар йили ажойиб шоу тақдим этиши анъанага айланган ва ёшлар  интиқиб кутадиган концерт   бир йиллик танаффусдан сўнг давомланади! Шоу маст го он!

Райхон!

Унинг концерти хамиша  росмана шоу! Хозирги кунга келиб рақобатдош хонандалар кўпайиб уларнинг хам шоулари ривожлангани билан, шоу-бизнес оламида росмана шоуни биринчилардан бўлиб мунтазам равишда айнан Райхон тақдим этиб келаётгани сир эмас.

Қизиғи, рақобатдош хамкасбларига у хар тарафлама бўй берганича йўқ. Рақсга тушмайман деган хамкасблари хам Райхондан ўзаман деб рақсга хам тушиб кетишяптики аммо Райхондан ўзишмаяпти. Балки бирдекдиру, аммо Райхон концерти барибир қизиқ ва кутиладиган концерт.

2015 йилги концерти учун тайёрланган баннери жуда бир иштаха билан ишланган кўринади! Гулли музқаймоқни эслатади. Нафис енгил ва латофатли.  Гангани фруктовый морожнийсини егим кепкетти

Аллақачон тайёргарлик ишлари бошланиб юборилган ушбу концертдаги дуэтдош борасидаги интрига кўпчиликка тинчлик бермаяпти. Ахир Райхон у дуэтдош хақида бизни "Экспрессо" лойихамизда ўзгача таъриф айтганди. 

Хозирга қадар 2015 йилги концертлар хақида хабар топганимиз ва кутилаётган концертлар шулар эди.