Гвардиола: Биз учун энг муҳими — Испания чемпионати
Каталониянинг "Барселона" клуби бош мураббийи Хосеп Гвардиола Испания Кубогининг 1/4 финалида Мадриднинг "Реал" клубига қарши ўтказиладиган учрашув борасида фикр билдиришдан бош тортди. Унинг айтишича, айни вақтда унинг бутун эътибори Испания чемпионати доирасида "Бетис" жамоасига қарши ўтказиладиган учрашувга қаратилган экан.
"Агарда "Реал"га қарши Кубокда ўтказилиши лозим бўлган учрашувнинг ташвишини қилиб, "Бетис"га қарши кечадиган учрашувда яхши ўйнай олмайдиган бўлсак, чемпионлик учун борадиган курашдан ўзимизни четлатиб қўйган бўламиз. Биз бундай қилмаслигимиз лозим. Чемпионлик учун асосий кураш "Реал"га қарши кечишини назарда тутадиган бўлса, бирорта ҳам очкони йўқотишга ҳаққимиз йўқ.
Испания чемпионати биз учун энг муҳим мусобақа ҳисобланади. Сабаби бошқа мусобақаларга ҳам айнан ички чемпионатда муваффақиятли ўйнаб йўл олишимиз мумкин. "Бетис"га қарши кечадиган учрашувда фақат ғалаба учун майдонга тушамиз", - дейди Гвардиола.
Манба: www.soccer.ruДобавлено (15-Янв-2012, 15:39)
---------------------------------------------
«Барселона» ҳужумчиси Педро 10 кунга сафдан чиқди
«Барселона» жамоаси ҳужумчиси Педро Родригес чап оёғидан жароҳат олиб, тахминан 10 кунга сафдан чиқди. Футболчи ушбу жароҳатни Испания Кубоги доирасидаги «Осасуна» билан ўйинда ишлаб олди.
Ушбу мавсумда 19та ўйинда 6та гол киритган Педро «Бетис», «Малага» ва «Реал» жамоаларига қарши ўйинларни ўтказиб юборади.
Манба: www.championat.com
