Добавлено (06-Янв-2012, 19:38)
---------------------------------------------
Янги бош мураббий қўл
остида машғулотларда
иштирок этаётган "шерлар"
Туркия йиғини давомида
кучли спарринг рақиблар
билан 3 та ўртоқлик
учрашуви ўтказиши ҳақида
аввал маълумот бериб ўтган
эдик.
Маълумотларга кўра,
Қозоғистоннинг "Ордабаси"
жамоаси билан белгиланган
уйин ўтказилмайди. Тўғрироғи,
тошкентликлар бу баҳсда
"Ордабаси"дан кўра кучлироқ
бўлган турк клуби билан
беллашади. Янги мавсумга
жиддий ҳозирлик кўраётган
"шерлар"нинг спарринг рақиб
сифатида жиддий клубларни
танлаганлиги ҳам қувонарли
ҳол. Тўғрида, машқда қанча
қийин бўлса, ўйинда шунча
осон бўлишини бугун ҳамма
билади.
"Пахтакор" Анталиядаги
дастлабки ўртоқлик
учрашувини 7 январь куни
Тошкент вақти билан соат
18:00да Германиянинг
"Вердер" клубига қарши
ўтказади. Мазкур баҳс "Эндо
Спорт" компаниясининг
таклифига биноан амалга
ошмоқда. Учрашув ҳам
компанияга қарашли
стадионда бўлиб ўтади. Келинг,
ана шу ўйиндаги рақибимиз
ҳақида қисқача маълумот
бериб ўтсак.
Бугунги кунда УЕФА рейтингида
14-поғонада бораётган
Бременнинг "Вердер" клуби
1899 йилнинг 4 апрелида
ташкил топган. Уй
учрашувларини ўз бағрига
43.500 мухлисни сиғдира
оладиган "Везерштадион"
ўйингоҳида ўтказади.
Жамоанинг "мусиқачилар" ва
"яшил-оқлар" каби лақаблари
мавжуд. Жамоа президенти
Клаус Аллофс бўлса, бош
мураббийи Томас Шааф
ҳисобланади. Немис
мутахассиси 1999 йилдан буён
жамоани бошқариб
келаётганлиги таҳсинга
сазовордир. Бременликлар
Шааф мураббийлигида 3 марта
мамлакат кубоги ва бир бор
чемпионликни тантана қилган.
Айтганча, Шааф яқиндагина
жамоа билан тузган
шартномасини яна 2 йилга
узайтирди. Жамоа ютуқларига
назар ташлайдиган бўлсак,
уларнинг анча салмоқли
эканлигига гувоҳ бўламиз.
Қўйида "Вердер"нинг барча
совринлари келтирилган:
Ички совринлари:
Германия чемпиони (4): 1965,
1988, 1993, 2004.
Кумуш медал совриндори (7):
1968, 1983, 1985, 1986, 1995,
2006, 2008.
Бранза медали соҳиби (5):
1989, 1991, 2005, 2007, 2010.
Мамлакат кубоги ғолиби (6):
1961, 1991, 1994, 1999, 2004,
2009.
Мамлакат Кубок финалчиси (4):
1989, 1990, 2000, 2010.
Суперкубок соҳиби (3): 1988,
1993, 1994.
Немис лигаси кубоги ғолиби (1):
2006.
Немис лигаси кубоги
финилчиси (2): 1999, 2004.
Ҳалқаро совринлари:
Кубок эгалари кубоги (1): 1992.
УЕФА кубоги финалчиси (1):
2009.
Интертото кубоги совриндори
(1): 1996.
Германия бундеслигасининг
биринчи давра якунига кўра
турнир жадвалининг 5-ўрнидан
жой олган Томас Шааф
шогирдлари ўтказилган 17
учрашувда 29 очко жамғариб,
мавсум якунига қадар камида
ЕЧЛ га йўлланма берувчи
ўринлардан бирини банд этиш
учун кураш олиб бормоқда.
Жамоа ҳужумчиси Клаудио
Писарро эса тўпурарлар
пойгасида жамоаси каби 5-
ўринда бормоқда. Унинг
ҳисобида 12 гол мавжуд. Бу
борада пешқадам "Бавария"
ҳужумчиси Марио Гомес бўлиб,
у рақиблар дарвозасини 16
бор ишғол этган. "Мусиқачилар"
1-давранинг охирги 2 турида
икки хил натижа қайд этган.
16-турда "Вольфсбург"
жамоаси устидан йирик 4:1
ҳисобида ғалаба қозонган
"яшил-оқлар" (мамлакатимиз
чемпиони "Бунёдкор" 15
январь куни айнан
"Вольфсбург" билан ўртоқлик
учрашуви ўтказишидан
хабарингиз бор), 17-турда
турнир жадвали
пешқадамларидан бири
"Шальке-04" жамоасидан
йирик 0:5 ҳисобида мағлуб
бўлган. Жамоанинг 2-
даврадаги дастлабки 2 ўйини
ҳақида гапирадиган бўлсак, 21
январь куни сафарда
"Кайзерслаутерн" билан куч
синашадиган Томас Шааф
шогирдлари орадан бир ҳафта
ўтгач, яъни 28 январь куни ўз
уйида "Байер" клубини қабул
қилади.
Ўз вақтида жамоа сафида
немис футболининг афсонавий
ўйинчилари ҳисобланган Марко
Боде (клуб сафида гол уриш
бўйича энг яхши кўрсаткичга
эга - 102 та гол), Руди Феллер
ва Клаус Аллофс (бугунги кунда
жамоанинг бош менежери
лавозимида фаолият олиб
бормоқда) лар тўп сурган.
Жамоанинг энг гуллаган пайти
80-йилларнинг охири - 90-
йилларнинг бошига тўғри
келади. Шу даврда жамоа 2 та
миллий ва битта ҳалқаро
мусобақа ғолиб бўлган.
Жамоанинг бугунги таркибига
назар ташласангиз, унда ҳам
бир нечта машҳур номларга
кўзингиз тушади. Дарвозабон
Тим Визе, ҳимоячилар Налдо,
Андреас Вульф, ярим
ҳимоячилар Тим Боровски ва
Феликс Кроос, ҳужумчилар
Марко Арнаутович, Маркус
Розенберг ҳамда Клаудио
Писарроларни немис
футболига бефарқ бўлмаган
исталган инсон танийди.
"Вердер"нинг охирги расмий
ўйини бўлган "Шальке-04"га
қарши ўтказилган баҳсда
майдонда қўйидаги
футболчилар тўп сурган: Т.Визе,
С.Предль (М.Арнаутович, 45),
А.Вольф, К.Фриц, Налдо,
Ф.Тринкс (Уэсли, 70),
А.Игньевски, Л.Шмитц,
Ф.Баргфреде, К.Писарро,
М.Розенберг.
Айни вақтда бундеслига
жамоалари давралар
оралигидаги кичик таътилга
чиққанлигини инобатга
оладиган бўлсак, табиий
равишда ҳар бир жамоада
"келди-кетди"лар авж олган. Ўз
ўзидан "Вердер" ҳам бундан
четда қолгани йўқ. Бугунги
кунгача Шааф жамоасига
Голландия чемпионати
иштирокчиси "Твенте" клуби
ўйинчиси Дуглас ва Италиянинг
"Женао" клубидан Меркель
келиб қўшилди. Клубни
фақатгина ҳимоячи Налдо тарк
этиш арафа

Добавлено (06-Янв-2012, 19:44)
---------------------------------------------
Клубни
фақатгина ҳимоячи Налдо тарк
этиш арафасида турибди. Унга
Бразилиянинг
"Интернасиональ" клуби катта
қизиқиш билдирмоқда.
Бизнинг маълумот:
Бременнинг "Вердер" клуби
Тўлиқ номи: Sportverein Werder
Bremen
Лақаби: Die Grьn-WeiЯen (яшил-
оқлар), мусиқачилар
Ташкил топган йили: 1899 й.
Стадиони: Везерштадион
Сиғими: 43.500
Клуб Президенти: Клаус Филбри
Жамоа бош мураббийи: Томас
Шааф
УЕФА даги рейтинги: 14
Қатнашадиган мусобақаси:
Бундеслига
Жамоа расмий сайти:
www.werder.de

Добавлено (07-Янв-2012, 12:38)
---------------------------------------------
“Пахтакор” – “Вердер”
ўйини қолдирилиши
мумкин

Хабарингиз бор, бугун
“Пахтакор” клуби Туркиядаги
биринчи назорат учрашувини
Германиянинг "Вердер" клубига
қарши ўтказиши лозим эди.
Аммо кеча тунда Анталияда
юзага келган фавкулоддаги
холат бунга тускинлик
қилмоқда. Хозирда шаҳарда
кучли бўрон ҳукм сурмоқда.
Секундига 11 метр тезликда
эсаётган кучли шамол бугунги
ўйинга ўз таъсирини ўтказмай
қолмаяпти. Шаҳарда
фавқулодда вазият эълон
қилинди. Ўрта ер денгизи
бўйида жойлашган
ҳудудлардаги аҳолига кўчага
чиқмаслик тавсия килинмокда.
Учрашув бошланишига саноқли
соат қолган бўлсада, баҳсни
бўлиб ўтиши ҳозирча сўроқ
остида турибди.
манба : pakhtakor.uz

Добавлено (07-Янв-2012, 20:30)
---------------------------------------------
АНТАЛИЯ, 3-КУН: ИНЖИҚ
ТАБИАТ!

"Rixos" меҳмонхонасида ҳеч
ҳам ўзингизни бегона юртда
деб ўйламайсиз. Барча нарса
таниш, атрофдагилар биз
ўрганиб қолган рус тилида
сўзлашмоқда.
Табиатнинг инжиқлиги
мураббийларимиз режаларига
ўзгартириш киритишга
мажбур қилди. Бременнинг
“Вердер” клуби билан бўлиб
ўтиши лозим бўлган ўйин
бекор қилингач, бугунги икки
маҳал машғулот фитнес залига
кўчирилди. Мураббийлар
штаби тезда шунга монанд
режа ишлаб чиқди.
Кечаги машғулотларда барча
футболчилар тўлиқ иштирок
этди. Машғулотимизда
кореялик Ли Си Индан
ташқари япониялик Наоя
Сибамура ҳам иштирок этди.
“Вентспилс” сафида Латвия
чемпионлигини қўлга киритган
осиёлик футболчи, кореялик
ҳамкасбига нисбатан бир
калла устун кўринмоқда. Ҳар
ҳолда Мураббийларнинг
дастлабки таассуроти шундай.
Санибал Ораховецнинг
ҳаракатларига, кичик беш
баҳони қўйишимиз мумкин. У
майдонни кўра билиш ва
қийин вазиятда ҳам гол уриш
хусусияти аъло даражада
эканлигини ташкил этилган
кичик ўйинда ҳам кўрсата
олди. Шу кунларда "шерлар"
сафига яна бир осиёлик
легионер, аниқроғи кореялик
футболчининг келиб
қўшилиши кутилмоқда. У ҳам
Ли Си Ин ва Н.Сибамура каби
кўрикдан ўтади.
“Локомотив”дан қайтган
Акром Бахритдиновнинг
ҳаракатларидан уни жорий
мавсум ўз олдига асосий
таркибга киришни мақсад
қилаётганлигини илғаш қийин
эмас. Ғулом Ўрунов эса яна
аввалги ҳолатига қайтмоқда.
Аввалги мавсумни жароҳати
туфайли ўтказиб юборган
футболчининг янги мавсумдан
умидлари катта.
А.Николаев эса ўзининг собиқ
жамоасидаги янги
жамоадошларига ўз
тажрибасини намойиш
этмоқда. "Навбаҳор"дан келган
А.Маҳмудовнинг ҳам
ҳаракатлари чакки эмас. Энг
мухими футболчиларимизнинг
кайфиятлари аъло даражада.
Жамоага оид энг сўнгги
маълумотларни сайтимиз
орқали ёритишда давом
этамиз. Бугунги машғулот
ҳакида эртага.
pakhtakor.uz