Добавлено (10-Июн-2013, 23:11)
---------------------------------------------
Oyijooooonim.... Sizzi judddayam sog'indim....

Ko'chada qattu shamol bo'votti.... Shu shamoldan doimo asriyman deb so'z berudizuuu....
Mandan aaancha olisdasiz.... Qalban yaqinmiz derdiz-ku...!!! Nega man his qilolmayapmaaaaaaaaan...
Faqat his qilganim.... SIZZI JUDDDAYAM SOG'INIB KETDIM....

Добавлено (21-Июн-2013, 00:01)
---------------------------------------------
Ko'zing kulsin-shodlik nuridan,
azoblaring kuyib,kul bo'lsin,
Onajonim-O'zbegim elim,
darhonangda faqat to'y bo'lsin.

Karnay surnay ovozi tutsin,
fayzi bo'lak ko'chalaringni,
xumoriman-taralsin xar yon,
yopgan tandir kulchalaringni.

Do'st-yorlaring kulgisi yangrab,
quvonch qo'shib xonadoningga,
ketmas davlat bo'lib kirsin baxt,
changib qolgan g'aladoningga.

O'gil-qizing yaxshi kunida,
savlat to'kib,o'zing bosh bo'lgin,
nabiralar ot bo'ling desa,
kishnab turgan ulug' yosh bo'lgin.

Tilaklarim eng asillari,
senga bo'lsin armug'on elim.
To'ylar qilib,charchama sira,
ko'rmagin xech bemahal o'lim.

Ko'zlaringda ko'rmay o'tayin,
bir tomchi xam alamli yoshni,
istasang gar bog'labon belim,
damlab beray Qarshicha oshni.

Faqat sen kul,yayra,siqilma,
bu dunyoni olma nazarga,
yur o'glim deb arava kabi,
sudra meni,eski bozorga.

Bozoringda mast bo'lib qolsam,
zirang xidi olsa aqlimni,
o'z uy-o'lan to'shaging,deya,
eslat menga,ota naqlimni.

Duolaring bo'lsin ijobat,
Ona Halqim-ko'ngli muloyim,
toki dunyo turguncha tursin,
O'zbek degan noming Iloyim.

Добавлено (21-Июн-2013, 00:03)
---------------------------------------------
Onamning ko'zidan uqqanlarim...

Ruh tog'imga oraladi,
xijron otli bo'rilar,
xavo yetmay xovli chiqsam-
-seni so'rar so'rilar.

Eski supa toshlariga,
ko'zim tikib qolaman,
izlaringni topa olmay,
yig'lab-yig'lab tolaman.

Ko'zlarimning qorachig'i,
sog'inchingda toraydi,
jigarporam,sen qaytmasang,
kim kunimga yaraydi?

Bolajonim,yo qaytishing,
tuya go'shti yeganmi?
yoki kimdir,meni qarg'ab,
bolangdan top deganmi?

Seni qumsab,kunim befayz,
qo'lim ishga bormaydi.
suratingga boqsam-mehrim,
ich-ichimni tirnaydi.

So'ginganda,tongda kirib,
supurarman xonangni,
qayt bolam-a,o'lmay turib,
o'ldirdingku onangni

Добавлено (21-Июн-2013, 00:07)
---------------------------------------------
Onamning ko'zlaridan o'qiganlarim. II

Bolam menga kerak emas pul degani,
sen yonimda yursang bas,men ulug' boyman.
diydoringni istab-zahar xar yeganim,
go'yo shoxi ko'chib ketgan bir saroyman.

Mijja qoqmay tunlar kirib ul xonangga,
suratingni silab,yig'lab kular bo'ldim.
rahming kelmaydimi qari bu onannga,
o'lar bo'lsam sensizlikda o'lar bo'ldim.

Qaytgin bolam,sog'intirma qaytgin bolam,
ne yetmaydi, endi senga aytgin bolam?
g'amim sensan,tanda jonim kamim sensan,
madorim yo'q,ko'zda yoshim artgin bolam.

Xovli kengdir,xovli tordir-sig'mayapman,
xar burchakdan ovozingni tinglayapman,
ko'klam kelib,laylak qaytsa minorlarga,
mening bolam qaytmadi deb yig'layapman.

Ne so'rasang dadang bilan borim berdim,
qariganda suyanchig'im bo'lar derdim,
menga tog'lar olib berma,qaytgin uyga,
pulingsiz xam yarim nonim topib yerdim.

Kechir endi dardim to'kib aytdim bolam,
kech bo'lmasdan ortginangga qaytgin bolam.

Issiq jonman diydorimga to'ygin sen xam,
onajon deb shirin so'zing aytgin bolam.
Dubaiga sen uzuringni aytgin bolam,
ota yurt-jon huzuringga qaytgin bolam.

Добавлено (21-Июн-2013, 00:15)
---------------------------------------------
Olamgir(Alemgir), xa Vatandek ulug' ma'vo yo'q.Alloh barchamizni Vatanga sodiq o'glon bo'lib xizmatida bo'lishlikni nasib etsin.

Добавлено (21-Июн-2013, 00:17)
---------------------------------------------
"O'zgarib ketibsan"
tanishim dedi,
maqtovmas aslida,
bu dakki edi.
balki dedim,ammo,
indamay qo'ydim,
lekin u oldinroq,
qaerda edi?
Qiynalib borganda,
yordam bermagan,
betob bo'lganimda,
xolim so'rmagan,
endi o'zgarishim,
yoqmabti unga,
zahar til-pichog'in
qayraydi menga.
Unga tob'e bo'lsam,
yaxshiroq edi,
yurardi ustimda,
tegirmon surib,
chetga chiqib rosa,
aynibsan dedi,
achchiqroq gapirsam
o'rnidan turib.
Jilmayib qo'ydim-u,
yo'lni ko'rsatdim,
avval xam oxir xam,
el bo'lmas dilga,
bundaylar cho'kishim 
kutishar yoki,
ko'z tikar cho'ntakdan,
ko'ringan pulga.

Добавлено (21-Июн-2013, 00:18)
---------------------------------------------
Kimgadir so'zlarim yoqmaydi bugun,
kimdir changim qoqib rosa yomonlar,
baridan charchasam,tushimga kirib,
o'ziga tortadi Qarshi tomonlar.

Boshi berk ko'chamga kiraman asta,
Umidli darvoza-otam nigohi,
mayli qadrim bo'lsa yerdan xam pastda,
ko'nglim osmon etar onam qaro'gi.

Добавлено (21-Июн-2013, 00:20)
---------------------------------------------
Ulug'lardan ulug'im,
yo'lim poylab yuzginasi so'ligim,
mujgonlari daryolarga to'lig'im,
Onamdursan-Vatan.

Добавлено (21-Июн-2013, 00:21)
---------------------------------------------
Yetti yilki,ko'rmadim qorni,
yetti yilki,yozda qovruldim,
Yurtga mensiz kelgan bahorni,
qumsab,xazon kabi sovrildim.

Добавлено (21-Июн-2013, 00:23)
---------------------------------------------
Puling ortib,yuraging shoshsa,
sal o'pkani bosibroq yurgin,
qozoningda xar kun osh pishsa,
boyga emas,yo'qsilga bergin.

Suzgan oshing boylar yemaydi,
sal isrofdan yiroqroq yurgin,
yegan bilan rahmat demaydi,
savob bo'lar,yo'qsilga bergin.

Davring kelib,Hudo fayz berib,
ziyodasin bersa noningni,
eslab o'tgan og'ir oningni,
qizgonmayin-yo'qsilga bergin.

Hudo xaqqi,bersang,olasan,
exson qilsang omon bo'lasan,
riyo qilsang,kuyib qolasan,
savob bo'lar,yo'qsilga bergin.

Kekirsang bu to'yganing demak,
ertaga deb saqlama yemak,
Haqdan kelar xar madad,ko'mak,
bosib yemay,yo'qsilga bergin.

Exsoningni yashirib bergin,
bergandan so'ng jimgina yurgin,
qasr qursang jannatda qurgin,
borligida yo'qsilga bergin.

Tavakkal qil faqat Allohga,
yo'ldosh qilsin dindor xamrohga,
uchratmasin ahmoq,gumrohga,
duo tilab-yo'qsilga bergin.

Shukr qilgin,chaynolsang nonni,
zikr bilan o'tkaz xar onni,
istig'for ayt,xayda shaytonni,
duo qilar,yo'qsilga bergin.

Ming yil bo'ldi tobut o'zgarmas,
kengaymaydi yoki qisqarmas,
unga minsang tillo qutqarmas,
ko'pam yig'may yo'qsilga bergin.

Yurak bag'ir to'lib alamga,
nuqsonimiz oldim qalamga,
qo'shiil do'stim,she'riy nolamga,
duo qilar,yo'qsilga bergin.

Alisher,sen Makkadan oldin,
tavof ayla onangning poyin,
so'ng qarindosh xolini so'rgin,
ortib qolsa,yo'qsilga bergin.

Добавлено (21-Июн-2013, 00:24)
---------------------------------------------
Momolarim chertgan qadim chanqovuzim,
mehri bilan cho'miltirgan tosh xovuzim,
ko'klam kirgan bog'laringga zordir ko'zim,
Xazon ko'rma,gullab,yaxshna go'zal bo'ston,
diydoringga dilim tashna O'zbekiston.

Palmalarning bargi tikan-qalbga botar,
chinorlaring kaftdek bargi xumor etar,
tanam tashlab,ruh sen tomon uchib ketar,
bir tog'ing chun bitsa kamdir-mingta doston,
diydoringga dilim tashna O'zbekiston.

O'zga yurtda sabo yuzim silamaydi,
sendan boshqa xech kim sabr tilamaydi,
yelkam uzra sog'inch tog'day qulamaydi,
O'zing Haqsan qolgan bari quruq chiston,
diydoringga dilim tashna O'zbekiston.