Беном гурухи шоу-бизнес оламида нафақат ўзларининг оммалашган қўшиқлари билан, балки, бошқа хонандаларнинг қатор оммалашган қўшиқлари муаллифи сифатида хам ютуққа эришиб боришмоқда. Шахзода, Лола, Муниса Ризаева, Сардор Рахимхон ва хоказо...
Гурух йигитлари янги ном ва шогирд сифатида тақдим этаёган ёш хонанда ПарвиZ тахаллуси билан шоу-бизнесга қадам қўймоқда.
Аввалига унинг қўшиғи ва клип билан танишиб, кейин уни сайтимизда қўйишга қарор қилдим. Қўшиқ илк мусиқа садолариданоқ ўзига қизиқтиради. Клип эса кутилмаган якуни ва мохияти билан мени янада қизиқтирди.
Беном гурухи йигитларидан Сарварнинг айтишича, бундай кутилмаган якун топиладиган клип яралишига сайтимиздаги клиплар борасидаги танқидий фикрлар сабабчи бўлган экан. Бир хилликдан қочиш ва албатта реал воқеаларга асосланган холатларни кўрсатишдан қўрқмаслик, клип яралишида асосий омил бўлганини айтади. Клипни томоша қила туриб, охирига қадар аниқ "Мана бундай тугайди, ха хиёнатига ташлаб кетади" деб турли фикрларни олға сурасизу, аммо клип сўнггида, умуман кутилмаган натижани кўрасиз.
ПарвиZ тахаллуси билан Беном гурухи йигитлари ижодий оталиғи остида куйлашни бошлаган бу йигитчани асл исми сир тутилмоқда. 20 ёшлик бу йигитча 1993 йил 26 май куни туғилган. Сингапур институтига ўқишга киргану, бироқ санъатнинг магнити ўқишдан кучлироқ чиқиб, ўз домига тортиб кетган. RnB, хип хоп рэп йўналишида ижодга бел боғлаган ПарвиZнинг "Бахорлар қайтмайди" қўшиғига ишланган бу клип, 3 кун давомида олиниб, иккинчи куни эса, илк суратга олиш кунидан кейин нақ 1 ойдан кейин суратга олиниши давомланган экан.
Менга мана шу лавха ёқди, йигитни "асл иши"дан воқиф бўлган қизнинг эмоциясини яшира олмаслиги))
"Бахорлар қайтмайди"
Қўшиқ муаллифи: Беном гурухи йигитлари Аранжировка: Сарвар Азимов Клип ғояси ва режиссура: Беном гурухи Хасан ва Хусан Атабаевлар суратга олди Клип қахрамонлари Афруза ва иккинчи ёлланган йигит ролида Парвизнинг акаси, у хам актер бўлиш истагида
Яқин кунлар ПарвиZнинг БеноМедиа орқали, янги иккинчи қўшиғи тақдим қилиниб, унга клипни хам БеноМедиа суратга олишини маълум қилишди.
|