Янги мусиқий канал "Тошкент" канали қошида очилганидан бери кўпчилик вос-вос касалига учрагандек. Бунга ўша каналга қандай қилиб клипларни тақдим этиш билан боғлиқ саволлар сабабчидир, аммо, ўша канални сохта "хўжайин"лари бошқа тижорат компания рахбарияти кўринишида топилиб қолгани жуда кулгулик кечмоқда. Четдан кузатиш қизиқ.
Артистларга "бизнинг компания бу канал қошида турибди, клипларингизни олиб келинг, шартнома тузамиз, "соққаси"ни эса кейин келишамиз" каби жиддий таклифларни айтаётган баъзи компания ходимлари фирибгарликларини бизга хабар қилишмоқда.
Мазкур канал орқали бир ой ичида текинга клиплар айланишини норасмий маълумот манбаларидан билдик ва каналга клипларни тақдим этиш учун "Ўзбекнаво" ва бошқа компанияларга шунчаки таклиф қилинган холос. Ва мана шу текинлик давридан унумли фойдаланаётганлар бор! Аслида, ТВМ даврида хам, баъзи компания рахбариятларининг шу каналга чиқиш билан боғлиқ фирибгарликларидан воқиф эдик.
Хозирги пайтда эса ўшалар ўзларига сўнгги вазиятлар орқали сохта обрў ва "Энди бизнинг империямиз даври келди!" деган учирма гаплардан хам тонишмаяпти.
Нахотки деворнинг хам қулоғи борлигини билишмаса? Атрофдагилар ахмоқми? Воқифлар камми?)) Эртамасмикан кўпик устига империя қуриш? Халитдан монополия иси келаётган баландпарвоз сўзлардан нима кутиш мумкин? Ё ўзи айрим радиолардаги рахбарият хал қиладиган хит-парад уларга камлик қилаётганмикан?
Айни дамда шоу-бизнес олами адашмасликлари ва сохта кўпик устига қурилаётган мавқега учмай, хақиқий маълумотга эргашишлари сўралади.
Яъни барча клипларни бевосита Тошкент телеканалига ёки "Ўзбекнаво" эстрада бирлашмасига тўғридан тўғри олиб бориш сўралади.
|