08:11 Зиёданинг конц... фестивалидан репортаж | |
Бугун Зиёданинг икки кунлик концертига старт берилди. Бу унинг илк яккахон концерти. Эшикдан киришданоқ тартиб билан милиция ходимлари одамларни навбатга тургандек бир қатор қилиб киргизишаётгани кимларнидир асабига теккан бўлса, биз қайтанига бундай тартибни қўллаб қувватладик. Афсуски концерт бошланганида тартиблар хаддан зиёд бўлгани сал ноўрин вазият туғдирди. Бу хақида сал кейинроқ хозир бир бошдан
Концерт олдидан сахна ортида Зиёдадан қисқа интервью олдик:
Феруза: - Илк концерт олди, ҳаяжондан ташқари яна нималарни ҳис қиляпсиз? Зиёда: - (кулимсираб, ҳаяжон билан) Ҳаяжондан ташқари, биринчи концертим қандай ўтиши, бу ҳам ҳаяжонга барибир боғлиқ. Қандай ўтаркин? Қандай рақсга тушар эканман? Балки, ҳаяжондан эсимдан чиқиб қолар, деган ҳар хил фикрлар келмоқда. Лекин, шу каби фикрларни ёддан чиқариб, концертимни яхши ва қизиқарли ўтказишга ҳаракат қиляпман. Лекин, (кулиб) ҳаяжонланиб кетяпман.
Феруза: - Дуэтдошларингизни ҳаммаси таклиф қилинганми концертга? Зиёда: - Йўқ, ҳаммаси эмас. Негаки, шу пайтгача, ўзимни қўшиқларим кўпайиб кетганлиги учун, дастурга сиғдира олмадик. Шунинг учун, фақат битта дуэт киргазишга қарор қилдик. Бу дуэт хонанда Даврон Эргашев билан. Илк концертим томошабинларга ёқади деган умиддаман, камчиликлар бўлса узр.
Дастур ва сахнага юзланамиз:
Ютуқ бу сценарий! Декорация, либос хаммасини суратлардан кўриб турибсиз. Бир нарсани айтишим керак. Зиёданинг овоз махорати, санъати, унинг тарбияси, маданияти ва менинг бир қанча ўткир танқидларимга дош берганлиги боис концертнинг айтарли камчиликлари хақида айтиб ўтишни истамадим. Чунки бу нарсалар олдида юқорироқ бўлган харакат ва хеч бўлмаса икки қўшиқни жонли равишда куйланганлик хурмати бор. Бу икки қўшиқдаги овоз жарангию кучидан агар хаяжон бўлмаганида концертни тўлиқ жонли бажара олган бўлишига ишондим.
Биринчи қўшиқдан сўнг Зиёданинг илк саломлашув сўзларидаги хаяжон томошабинларга олқишлаш учун қувват берди. Хамма хаттоки биз хам беихтиёр унинг хаяжонини хис қилиб қарсак чалиб қўллаб турдик.
Концертнинг асосий ютуғи бу сценарий! Рангбаранглик. Зериктирмаслик учун қилинган саъйи харакат. Фақатгина сценарийдагини реалликка кўчириб етарли кўринишда тақдим қилиш учун репетиция кунлари оз қолганлиги ўзини билдирди.
Танаффусларда рақслар! Қайсидир бир мақолада бир буюк санъаткор интервьюсида хозирги концертлардаги танаффуслар хақида эътироз билдирилиб авваллари гўзал рақслар билан танаффус қилинарди дейилганди. Зиёданинг концертида мана шуни кўриб қувондим. Танаффусларда турфа рақслар, Арабий капалаксимон бир шоу, ноанъанавий Кубин рақслари, ўзбек миллий театрлаштирилган рақслар, йигитлар модерн ва миллий рақслари фақатгина бир хонанда билан зериктирмай эътиборни ушлаб туради. Миллий рақс сахналаштирилган келин келиб, Зиёда суперкелинчак образида шу қўшиқни куйлаб чиқиши омадли уланиш бўлган. Танаффусларнинг бирида яна бир оргиналлик қилишга харакат қилинган, яъни хориж машхур мусиқалари жўрлигида сахнадаги созандалар урма созларда жўрлик билан импрвизациялари. Менимча созандалар хаяжонланишди, кейин кўпроқ хориж мусиқаси эштилди, урма созлар унчалик эмас. Зиёдушка Ажойиб фишка бу кичкинтой жўжачалар, ёшлари 2-3 бўлса керак, шу қадар махорат билан мимикалар қилиб рақсга тушишдики хаммани юзига табассум югуртиришга муваффақ бўлишди. Зиёданинг қиёфаси бу пайтда Зиёдушка бўлди. Сахна декорациясидаги русларнинг уйчаси нима учунлигини мана шу сахна кўринишидан кейин тушундим. Либослар. Зиёда хам пилот модасида. Умуман қиёфалар устида янгилик ва кардинал ўзгаришга харакат қилган Зиёданинг менимча жигарранг учувчи либоси ва испан либоси ортиқча бўлса керак. Учувчи стайл модада шекил, яқиндагина Ёдгор Мирзажонов концертидаги либосида хам шундай стиль кузатилганди. Испан либоси Зиёдани тўлароқ кўрсатган. Умуман бу либос бошқача кўринишга мўлжалланган, албатта Зиёда уни ўзбек менталлитетига хос равишда ўзбекона тарзда тақдим қилгани хурматга сазовор, лекин мини юбкани ўзбекона қилиб бўлмаганидек бу испан либосини хам ўзини композицияси мавжуд ва унга тахрир берганда тамоман ғалати тусга қиради. Раққосалар Бразилиядаги фестивальдаги либосларни ўзбекона охангида кўринишида чиққанлари эса янгилик бўлди.
Зиёда учар йигитда Яна бир қизиқ лахза бу Зиёдани "страховка”сиз учар йигит кўтариб учиб кетгани бўлди. Мазкур блокда Зиёда тепадан "обручь”да ўтирган холатда тушганида "страховка”си бўлганди.
"Учишлар”дан қизга йигит осилиб учгани жуда хавфли ва қийин сахна кўриниши. Қизнинг оёғидаги кучига қойил қолса арзийди
Сахнага қора хинд кийимида гиламга ўралган кимнидир олиб чиққанида хинд попурриси вақти келганини тушунишга тушундигу, лекин нахотки ичида Зиёда деб қўрқиб кетдик. Йўқ, ичида йигит киши экан. Бу попуррида хам ёш қизалоқлар хинд кийимида махорат билан рақсга тушишди.
Танқидий танаффус! Зиёдага эмас. Ана энди бироз танқидий фикрлар, лекин буни Зиёдага умуман алоқаси йўқ. Зиёданинг яккахон концерти эмас, кўпроқ Зиёда иштирокидаги фестивальга ўхшади. Бу ёмон эмас, бир тарафдан қизиқ. Балки илк концерт бўлгани учун қўллаб қувватлаш ниятида иштирокчилар билан бойитилгандир.
Хамма концертларда шу йигит қўшиқ айтиши шарт бўлган талабми бу?
Бироз вақт илгари Даврон Қобуловга нисбатан сайтимиз жамоасидан Феруза тарафидан премьера репортажида билдирилган танқидий фикрлардан Даврон хафа бўлиб эътироз билдиргандилар. Узр, албатта бугун у танқидларда жон бор бўлса керак деб ўйланиб қолдим. Даврон, шахсий адоват йўқ, танқидларга умуман хушингиз йўқлигини билган холда хафа бўлмассиз деган умиддаман, чунки бу шунчаки шахсий фикр. Лекин бир маслахат бор сизга, сахнага классик услубдаги сал торроқ ва юпқароқ шим билан чиқар экансиз, хеч бўлмаса икки чўнтакдаги катта хажмдаги нарсалар, балки телефонларни сахна ортида қолдириб чиқишни маслахат берардим. Хунук кўринаркан тўғриси.
Йигитлар "ликкиллаши”ни кузатаётгандик, лекин "ликкилЛАТиши”....
Кейинчалик сахна ортидан хабар беришларича Гулсанам сахна ортига ўтиб Зиёдага шахсан тутқазишни хам иложини қилмаган, бу пайт Зиёда сахнада бўлган. Гулларни бериб табриклаб қўйишни айтиб санъат саройни тарк этди.
Албатта Зиёда бу нарсалардан бехабар. Бироз аввал Ёдгор Мирзажоновни концертида Абдували Ражабов, Севинч ва Шароф Муқимовлар хаттоки сахнага чиқиб табриклаб тушишганди. Нахотки Гулсанамни танишмаган? Концерт бошланишидан бироз аввал Нилуфар Усмонова сахна ортидан келиб Зиёдани табриклаб кетди. Соғлиғи яхши бўлмаганлиги боис концертга қола олмади. Яна бир шундоққина ёнимиздан жой олган шоу-бизнес олами мехмонлардан Райхон концертнинг охиригача завқ билан томоша қилиб ўтирди.
Даврон Эргашевнинг сваровский қасоси! Дастурга қайтамиз: Даврон Эргашев билан дуэт бошланиши билан, сахнага чиққан Даврон тўғри биз тарафга келаётгандек «Мана сенларга сваровский тошларни танқиди учун” дегандек кўринди, қизиғи биринчи бўлиб бизга кўзи тушиб жилмайиб қўйди хам. Савровский тошлар энди костюмдан бўйинлари билан бирга куйлакка хам ўтганди. Биз танқид қилган қора костюмга кўра тўғриси бу кўриниш ярашган ва куйлакка оригинал кўриниб туришини тан оламиз))
Хордиқ чиқариб совға хам ол Концерт дастурида қизиқ лоторея ўйналиб омадли томошабинларга Зиёдадан совғалар топширилди. Илк чангютгич 20 қатор 36 жойдаги йигитга Мадина Мумтоз шарофати билан топширилди. Кейинги омадли томошабинни аниқлаш учун Даврон Қобулов биринчи қаторга тушиб Райхонга мурожаат қилди. Энди Райхон шарофати билан икки қоғоздан аниқланган кейинги омадли томошабин "микроволновая печь”га сазовор бўлди.
Сўнггида Концерт ташкилотчилари эълон қилинаётганида, деярли бир қўшиқ қолгани яъни охирида Райхон шартта гулни бердию қочди. Улгурди, чунки мана бу суратдан кўрсангиз бўлади кейин нималар бўлганини.
Хотима ўрнида нима дердик, Зиёда молодец! Илк концерт учун бу ютуқ!
Сайтимиз жамоаси номидан чин дилдан табриклаймиз! | |
Бўлим: Suhbat | Intervyu | Reportaj |
Кўрилган: 13039 |
Чоп этди: Sayyod
| Теглар: |
Нравится
Барча изохлар: 37 | |||||||||||||||||||||||||||||||||||||
Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ! Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин! -Қолдирилаётган изох ўша мақоладан ташқаридаги мавзуда бўлса хам ўчирилиши мумкин. (батафсил манбаа)
Изохлар модератори NOZI, Шахло Қодирова ва Бекзод |