08:11 Якшанба мухлис минбари: Сайёд хақида барча хақиқат! | |
----------------------
Тавба шунча сайтга жанжаллик мақолалар ёзиб бунақа ажиотаж бўлмаганди. Ман ўзим шокдаман....
Смсу қўнғироқлар, нафақат мухлислар балки санъат оламидаги устоз ва машхурлар хам қўнғироқ қилиб бу иқрорликни тўхтатишимни нафақат сўрашди балки талаб хам қилишди. Хаммаларининг бир маънодаги гапи ўйлантириб қўйди: Сени сайтинг орқали ибратли нарсаларга ўрганишмоқда, сени хаётинг балки ўрнак бўлар деб ўйларсан, йўқ кўпчилик сенга эргаша бошлаган пайт хаётингни кўриб нима хулоса қилишади? Тўғри бу ёшликда бўлган, хозир ўша тажрибалар натижасида рости ақлинг киргандир, лекин бебошликни кўрсатиш керак эмас. Шунинг учун хам ўша пайт эмас, айнан хозир эргашишмоқда ва диққат марказидасан. Зудлик билан олиб ташланг бизга Сардор Комилов эмас Сайёд керак, бошқаларга хам деган гапларчи... Балки тўғридир. Инсон хаёти гўё полиздек. Столга кесиб қўйилган тарвуз қовунларни маза қилиб еймиз. Лекин у полиздалигида гўнг билан суғорилганини кўрсак.... Ман ўзимни етук демайман хали, лекин кимлар учундир ибратли ва хурматда бўлиш даражаси ўша хаётингдаги ёқимсиз холатлар билан умринг суғорилгани йиллар ўтиб мевадек кўринармикан? Бугунги кундаги мавқеим ўзимга билинмайди, аксарият соатлар оддий монитор билан мулоқотдаман. Дардимни хам, ғазабу, кўз ёшим, қувончимга хам шу чидайдигандек фақат. Шу тўртбурчак жонсиз нарса хаммасини билади. Фақат у мени тушунадигандек.... Лекин борган сайин мухлислар хатлари, учрашувлар ва айниқса бугунги бу иқрорликларга бўлган тўхтовсиз смс, қўнғироқ ва хатлардан яна бошқа маъсулиятни хам сездим. Хар қанча озод ижод қилма ўзинг билмаган холда нимагадир, кимларгадир қарам ва тобе бўлиб бораверасан экансан. Аввал ижодни давомлаш маъсулияти, кейин уларни хайратлантиравериш, қизиқтириш маъсулияти...кейин эса оддий ХАҚҚИНГ ЙЎҚ деган маъсулият! Озод ижодкор ўз озод ижоди билан қандай қилиб чегараланиб бораётганини ўзи билмас экан. Мана шундай кун келиб нимагадир хаққинг йўқ деган нарса тақ этиб миянгга урилмагунча. Нима хам дердим талабларга биноан, мавхум бўламиз, ва илк иқрорликлар анонси ва ундаги суратлар олиб ташланди. Вахоланки мавхум бўладиган жойи хам қолмади. Фақатгина баъзи анонс сифатида қўйган саволларга аниқ қисқа жавоб бериб ўтишим керак: -Иқрорлик хақидаги фикрга борган сайин шоубизнес олами ва одамлар орасидаги ғалати гап сўзлар туртки бўлди. Кимда хато бўлмайди, манам инсонман демак шу иқрорликни бошлаб хато қилгандирман. -Судланганлик билан судда ишлаганни адаштиришган. 5 йил судда ишлаганман+2 йил адвокатура , яна бир шунақароқ...хм..сал қалтисроқми дейлик жойда хам. Ну шартмас айтиш, тушунган тушунди, хуллас ўша ерда хам махсус тайёрланганман. -Наркоман эса умримда бўлмаганман, наркоманлигим фақат ширинликка, негадир торт ва пирожнийлар жону дилим. Ишим кўпроқ мия фаолияти билан бўлгани сабабли глюкозани бошқаларнинг нормасидан менда кўпроқ талаб қилинса керакда. Хаётимда 22 ёшлардан оддий сигарета кунига бир икки дона чеккан бўлсам, олдинги йил декабрьдан бери умуман сигарета чакмайман ва буни Джуманджи эфирида хам айтганман. Алкогольдан хам қарам жойим бўлмаган. Судда ишлаш давримда альтернатив хизмат юзасидан шифохонада хам хафтасига 2-3 кун дежурства олардим, қизиқиб кетдим. Шифокорлардан уколдан тортиб, жарохат тикишгача ўрганардим. 2 йил хирургия, реанимация...морг. Хар куни қизиқ воқеа ва хаёт. Хозиргача хаммага айтаман хаётимдаги энг қизиқ ва энг бахтли онларим шу жойда ўтган. Юлдузлик касалини хам ўша ерда ўтказиб юборганман. Эххе шунча мухаббат тарихлари. Тонггача қизиқ воқеалар ва хоказо. Жуда қизиқ давр бўлган, халиям соғинаман бу даргохни. Кўп нарсани қизиғи хаётни хам ўргатгану, фақат тўғриси сал бузган. -Россияга ишлагани бормаганман, Швецияга кетишим керак бўлган, Москвада отельда яшаган пайтим хамма нарсаларимни пулларим билан ўғирлаб кетишган. Нотаниш мамлакат, хеч ким йўқ... Хеч кимга раво кўрмайман бу холатни. Қизиғи кулгим келарди, жинни бўлиб қоламан деб ўйлаб ўзимни зўрға босардим... Кўчага чиқиб пешком кечгача шахар айланиб дуч келган жойга иш сўраб мурожаат қилаверганман ва топдим. Аввалига мева ва сабзавот дўкончасида сотувчилик қилдим, қизиғи омадим роса чопган. Руслар яхши кўрарди мани, Россияда исмим Саша эди. Александр дейишганида қотардим)). Дўкондаги махсулот номларини қизиқарли тарзда ёзиб ва кичик рекламачалар билан одамларни қизиқтирганимга кунига жуда яхши савдо қилиб очеред тугамасди. Айниқса кечалари))). Рахбарият яхши савдо қилаётганимга деярли хафтасига икки баробар маош берарди. Кейин бир куни метрода ишга келаётган пайтим РЕНтвга "Час суда" деган кўрсатув бўларди, шунга эпизод рольга таклиф қилишди, импровизация билан асосий роль бўлиб кетиб уларга маъқул келдим. Умуман сценарийдан чиқиб кетганман ўзиям. Улар эса бундай кутилмаган қизиқ шоу сахнасига янада хурсанд)). Ваъда берилган 50 доллар ўрнига 100 беришган)). Фақат ролим ишонарли бўлганидан кўчада кампирлар уришиб сўкарди хам. Чунки ролим бўйича тожик бўлиб рус аёлларини беаёв танқид қилгандим. Кейин бир идорада барча шоулар офиси жойлашганигами, ТнТдаги Дом-2га чақиришди. Ўзим кастингга бормаганман. Лекин у ерда монтаж бўлимида ишладим, твга хос дастурлар асосида реклама, психология, промо ва хоказодан дарслар олдим, кейин Виктория Карасева таклифига биноан 2 кун эфирда звездани бердим)))). Тошкентдан онам тел қилиб мани шарманда қилма бу иславатхона кўрсатувда деганларига чиқмадим бошқа.)) Лекин Москвада кўчада одамлар таний бошлашига шуни ўзи етарди)) Эх зўр вақтлар. Бу орада онам войдод яна шу кўрсатувда чиқади бу шарманда қилиб деб мазам йўқ деб Тошкентга алдаб чақириб олишди. Келганимда эсаа...паспортлар олиб қўйилди, обрат билетлар эса йиртилди(((. Афсус Мтвда азиатский топ перчинка деган янги мусиқий хитпарад дастурирга бошловчи сифатида тайёрлашаётганди(((. Негадир Бу лойихани твда кейин кўрмадим. Эх, фақат менда кўришгандирда буни))) -Шахсий хаёт? Қўйсангизчи, у шахсий, борми йўқми номи билан хам меники, ундаги бахт ва бахтсизлик хам меники унга жавобгар хам ўзим. Лекин уни беркитиш дарров касаллик ёки ориентацияга боғлиқ деб хамиятга тегиш керакмас! Менимча етарли фотофактлар тақдим қилиб, нафақат ориентация жойида эканлиги балки хаттоки бузуқроқ ва роса юрадиган боладек хам туюлгандирман....((( Тағинам қанча суратга тушилмаган қизларни айтсамку умуман тошбўрон бўлсам керак))) шунинг учун хам айнан ўзбек қизлари билан тушилган суратлар қўйилмади)). Ёшлик...Хозир хам фариштамасман)). Тўғри айбдорман бунда, ахир фақат нафс менда бору бу сатрларни ўқиётган ва мени бузуқ йигит деб қабул қилаётган эса кастрациядан ўтиб монастырьда яшайдигандек))). Хех! Инсонда нафс бор экан у севади, севилади, юради, уйланмаган бўлса)). Мен эса хануз озодман))) Ўша юқоридаги тақ этиб ўзим билмаган холда уриладиган маъсулият хали урилмади. Балки шунақаси топилмагандир? Нега шу тарафлари ўйланмайди? Балки атрофимдаги мухаббат асираларига хам озодлик мухимдир. Бу бузуқлик аломатимасдир, шунчаки бўйдоқлик) Мени Сайёд эмас, Сардорлигимча қабул қиладиганини топиш учун вақтим бор. Кўпмасу, лекин бор.)) Севги? Мен учун у тўкис оила холос! Яъни бор йўқ мухаббатим менинг оиламга бўлади! Хаётда етарли даражада қадриятларни тушуниб бўлганман, шунинг учун оиламга умуман хиёнат қилмаслик тушунчаси яхшигина миямга ўрнашган. Хозир эса оддий эхтирослар давридаман. Менимча хозирча шуниси етарли, йилда бир маротаба сайт аъзолари билан экспрессо қилиб турамиз шунда қолган саволларга жавоб берармиз. Бугун бир машхур инсон маслахатида айтиб ўтгандек: Сайёд агар хар бир одам гапига исбот далил келтиришга харакат қилаверсанг хам хаммани кўнглини бирдек ололмайсан. Энг асосийси аксарияти провокация учун бундай саволлар билан асабга тегишади, минг исботлаганинг билан уларни кўз ўнгида яхши ёки аъло бўлиб қолмайсан, чунки провокаторларни иши сенга ишониш эмас...сени шарманда қилиш холос. Балки ростдир билмадим, юқорида айтганимдек мухлислар ва санъат оламидан (ўзим кутмагандим) ёши улуғлар бўлгани сабабли бу иқрорликка чек қўйдим. Сайтим ва мени чин дилдан хурмат қилганлар тушунар. Кимдир айтгандек бир тарафдан асосий мухлис сараланиб қолади. Уларга эса бир мақолни эслатаман: Айтганини қилу, қилганини қилма))). Хаётдаги сабоқларимиз ортида хамиша хам дафтар китоб туравермайди, гохи аччиқ аччиқ воқеалар доно муаллим экан! Худди юқоридаги полиз хақидаги таққослашим каби. Тарвузини еймизу гўнг билан суғорилган полизни эса кўришни истамаймиз. Хаётда гуноху хатоларим тўғри кўп бўлган... Лекин бу майли одамлар учун эмас. Хикояларимда сабоқдек қолаверсин. Биласизми бир нарса бор... Хақиқат инсонга фақат бошқалар хақидагиси ёқади. Лекин ўзинг хақиндаги хақиқат эса йўқ. Ва бу хаётда омадли, хам осон яшаш учун эса аксарият холда ёлғон билан яшамоқ керакдек... Болам хаётингда фақат ёлғон гапир, алда ва ютасан деб тарбия берадиганлар топилармикан? Хамма хам фарзанди хаёти ундан хам яхши бўлишини истайдику. Хаётда қийинчилик кўрган инсон бошқачароқ бўлади, яъни хаётий донороқ, лекин негадир у ўша қийинчиликларни фарзанди кўрмаслигини истайди ва фарзанди учун барча шарт шароитларни яратади... Ва кўпинча "Шундоқ одамни боласини ахволини қара" дегандек натижани кўрамиз. Юқорида ёлғон яшаш осонлиги хақида ўйлаб ажратиш учун бир халол сўзи қолишини тушунаман. Шуда асли бу хаёт синови хам. Бу дунёга берилган ёлғон билан бу хаётни зўр ўтайдию, нариги дунёда сиротдан қоқилади. Бу хаётда рост ва халол бўлиб бироз қийналсину лекин махшар тараф юзи ёруғ, рухи енгил ва жаннати бўлса керак. Бу қисқа ёки ул абад хаётдаги бирламчи бўлган нарсани танлаш эса ўзимизни қўлимизда. Бугун ман кўпчилик кўзида хато қилдим...ростин айтаман деб. Хамманинг ўз хақиқати бор. У хақиқатларнинг хам тубида қизиғи бошқа хақиқатлар хам мавжуд, ва улар ундан аввалги хақиқатга хамиша хам тўғри келавермайди. Шунақа қизиқ ва мураккаб умр! Ғалати-а? Узр. | |
Бўлим: Muhlis Minbari | Кўрилган: 33936 | Чоп этди: Sayyod |
Нравится
Барча изохлар: 115 | 1 2 3 » | ||||||||||||||||||||||||||||||||||||||||||||||||||||
Диққат: Ёзиб қолдирилган изох дарров сайтга чиқмайди. Хар бир изох узоғи билан 24 соат ичида текширувдан ўтади. Мабодо бу вақт ўтгач хам сайтда изохингиз чиқмаган бўлса унда чиқарилмаганлик сабаблари қўйидагича бўлиши мумкин: Сайтимизда сўкиниш, хақорот, камситиш, мазах қилиш, салбий ва диний тарғибот, махалийчилик, миллатчилик, реклама ва қадр қимматни ерга ургувчи АЛОМАТЛАРИ БОР изохлар сайтга чиқмасданоқ ЎЧИРИЛАДИ! Шунингдек миш-миш бўлиб кетишига сабабчи бўлгувчи тасдиқланмаган маълумотлар, тасдиқланмаган гап-сўзлар хам изохлардан ўчирилиши мумкин! -Қолдирилаётган изох ўша мақоладан ташқаридаги мавзуда бўлса хам ўчирилиши мумкин. (батафсил манбаа)
Изохлар модератори NOZI, Шахло Қодирова ва Бекзод |