Добавлено (02-Янв-2014, 19:08)
---------------------------------------------
Men haqimda so'raging kelsa,
Suluvlardan so'rama meni.
Ular aytar bilsa-bilmasa,
Yolg'on aytib aldashar seni.

Men haqimda so'raging kelsa,
Shamollardan so'ra ahvolim.
Tingla soching o'ynatib yelsa,
Qulog'ingga shivirlar holim.

Men haqimda so'raging kelsa,
Tunlar bedor yulduzlarni kut.
Ular rinmay charaqlayversa,
Ko'zlaringni uzmay quloq tut.

Men haqimda so'raging kelsa,
Tez-tez kirib turgin bog'larga.
Gul yuziga shabnamlar insa,
Javob bo'lar ko'p so'rog'larga.

Men haqimda so'raging kelsa,
Kuzda kuzat tiniq soylarni.
Soy sathiga agar oy minsa,
So'roqqa tut siniq oylarni.

Men haqimda so'raging kelsa,
Tong chog'ida tingla qushlarni.
Duo qilgin ro'yobin bersa,
Tong nuridek shaffof tushlarni.

Men haqimda so'raging kelsa,
Sen shulardan so'ragin meni.
Va ishongin ular ne desa,
Yolg'on aytib aldashmas seni!

Akbar Shoh.

Добавлено (05-Янв-2014, 11:05)
---------------------------------------------
Bravooo... Mehribooonim...

Добавлено (08-Янв-2014, 20:39)
---------------------------------------------
=Tuyg'ularim ta'tildan qaytdi=
Xech meni tinch qo'ymadi dunyo,
Kimdir nogoh ismingni aytdi...
Qalbda to'fon boshlandi, go'yo
Tuyg'ularim ta'tildan qaytdi!

Kunduzlarim yana bexuzur,
Tunlarimdan yo'qoldi orom.
Ishq xislatmi va yoki qusur?
Anglay olmay qiynaladi jon.

Yana daftar titish boshlandi,
Orasida izhoriy xatlar.
O'qiyotib ko'zim yoshlandi,
Esiz, yonib ketgan suratlar.

Yuragimda boshlandi taftish,
Go'yo meni so'roqlar birov.
Ikkimizni uchrashtirgan qish,
Vujudimni qoplagan qirov.

Nigohlaring vasli bilan band,
Xijroningdan xorg'in qarog'lar.
Seva olar kim mendan baland?
Qaytalanar eski so'rog'lar...

Shu yurakni sug'urib olib,
Qo'yishsami o'rniga jihoz.
Zora ishqing dildan yo'qolib,
Osoyishta yashardim biroz?.
...
Qalbda to'fon boshlandi, go'yo
Tuyg'ularim ta'tildan qaytdi!
Xech meni tinch qo'ymadi dunyo,
Kimdir nogoh ismingni aytdi...

Akbar Shoh.

Добавлено (23-Янв-2014, 17:16)
---------------------------------------------
Derazamni avaylab chertib,
Tunda yo'qlab kelgan senmiding?
Oynakdagi g'uborni artib,
Tongni yorug' kutgin debmiding.

Chiqillagan soat milini,
Musiqaga o'girgan senmi?
Tunni bosgan zulmat devini,
Sof yo'rgakka yo'girgan senmi?

Senmi, shahar havosin poklab,
Yana yerni sog'inib qaytgan.
Senmi bir vaqt arsh aro qolib,
Qaytib, bizga salomlar aytgan.

Miltillagan chiroq nuriga,
Million jilva hadya qildingmi?
Mudroq bosgan qalbim to'riga,
Bir amallab kira bildingmi?
---
Tanidim-ku seni azizim.
Sen quvonchsan, o'zing og'rig'im,
Goh o'rtovchi, gohi lazizim,
Qalb qadrdon beg'ubor yomg'irim.

Sendan bitta iltimosim bor.
Sen eplaysan, bilaman buni.
Charx aylanib yog'ganda takror,
Yuv qalbimda qolgan qayg'uni.

Mayli, qaytib kelganda bahor,
Mayli, keyin mayli, sal kechroq.
Lek yodingdan chiqmasin zinhor,
Yuv, qabrimdan unmay qizg'aldoq.

Akbar Shoh.

Добавлено (25-Янв-2014, 17:45)
---------------------------------------------
Sen, sevgini sevdim degan zar so'zlardan izlama.
Kulib-kulib o'ynab turgan har ko'zlardan izlama.
Bahor chog'i dil bog'ida mavjlanarkan ishq sayli,
Bulbul o'ynab uchib-qo'ngar gul yuzlardan izlama.

Sen, sevgini ertaklar-u, qo'shiqlardan izlama,
Haqiqatdan tamom yiroq bo'shliqlardan izlama.
Ishq ilohiy hukm erurki, bilib qo'ygin sen shuni,
Dilni quvlab aql yetmas to'siqlardan izlama.

Sen, sevgini boda lim-lim soqiylardan izlama,
So'zlarida ma'nosi yo'q dohiylardan izlama.
Oliy savob muhabbatdur, gunohkori bunda yo'q,
Tili birla dili ayro osiylardan izlama.

Sen, sevgini dunyo mulki g'aznasidan izlama,
Betikon bir gul qidirib, g'unchasidan izlama.
Mashaqqatsiz mukofot yo'q, shundayindur muhabbat,
Oson yetar biron dildor g'amzasidan izlama.

Sen, sevgini qulf solinmas darvozadan izlama,
Bozormas-ki ishq maydoni ovozadan izlama.
Dunyo kezib aylanma sen, atay sevgi axtarib,
Osmonlardan toparman deb havozadan izlama.

Sen, sevgini jon kuydirib kuygan jondan izlama,
Ma'dan emas qazib olsang biror kondan izlama.
Tushkunlikka tushma aslo, tubanlikka bo'lma xesh,
O'tib ketgan yillaringdan, zor armondan izlama.

Sen, sevgini vafosidan kechganlardan izlama,
Kunda takror ishq ahdini ichganlardan izlama.
Shundaylar bor muhabbatni o'pich bilan hisoblar,
O'zga yorni bag'ri to'lib quchganlardan izlama.

Sen, sevgini o'tib ketar afg'onlardan izlama,
O'zligini aniq bilmas sarsonlardan izlama.
Sen sevgini o'zingdan top, ich-ichingda dilda U,
Taxlil etgil chun izlarsan yolg'onlardan izlama!

Akbar Shoh.

Добавлено (05-Фев-2014, 23:46)
---------------------------------------------
Necha qavmlar o'tdi bunda charx falak avzoiydan,
Falak charxi o'tmadi xech qavmlar parvoiydan.

Odam borki dunyo ichra dunyo topsam der mudom,
Dunyo uchun ortmagay xech nafsi zo'r dunyoiydan.

Odam borki lazzati aysh kifoy unga, bas yetar,
Arsh uchunda chiqmasam der ayshidan ro'yoiydan.

Odam borki jaholatda qabohatni erkalar,
Zalolatda o'tarman der mahluqot yovvoiydan.

Guldan izlar, puldan izlar, kimdan izlar baxtlarin,
O'ylamas baxt kondin chiqmas, chiqmagay daryoiydan.

Odamiyzot qara senda qandoq xor-u hastalik,
Ruhiyat-u zehn mahrum nasli sof havoiydan.

Akbariy Shoh ayt baralla anglasin johil buni:
Baxt toparsiz siz izlashni o'rganung Navoiydan.

Akbar Shoh.