Добавлено (21-Июн-2013, 01:25)
---------------------------------------------
Biri kam dunyo.

Kimgadir tilloning qadri yo'q,
kimningdir pul bilan dardi yo'q,
kim qashshoq tinglovchi mardi yo'q,
asal deb totganim sirkamsan,
Dunyo sen biri kam erkamsan!

Tulkisan sherlarni aldagan,
qassobsan pichog'in qayragan,
yig'lasam kulishdan to'ymagan,
mezbonlik izzatin o'rgan,san!
Dunyo sen biri kam erkamsan!

Jannatga o'xshatma o'zingni,
bir pulga olmayman so'zingni,
iltimos katta och ko'zingni,
devorsiz ko'chani ko'rgan,san,
Dunyo sen biri kam erkamsan!

Buhoriy bobomdan qolgansan,
Termiziy o'gitin olgan,san,
va lekin sinfingda qolgansan,
qoloqsan,darsingni o'rgan,san!
Dunyo sen biri kam erkamsan!

Ravon yo'l qidirib bag'ringdan,
charchadim muttaham,o'gringdan,
yo'l bo'lsa kechardim bahringdan,
Shaytonga qulvachcha bo'lgan,san,
Dunyo sen tosh botgan yelkamsan!

Ilonsan xech oshno bo'lmagan,
gadoysan to'rvasi to'lmagan,
omadsan-ho'mraygan,kulmagan,
yuzingni balchiqqa yuvgansan,
Dunyo sen biri kam erkamsan!

G'amzangga aldanib kuydim,man,
malak deb adashib suydim,man,
tul hotin ekansan qo'ydim,man,
sehrdan,makrdan jirkan,san,
Dunyo sen tuhumsiz kurkamsan!

Eshakni oshno deb o'tarsan,
dononi poshnangda tutarsan,
isqirt aravangni ko'tar,san,
puf desa yirtilgan yelkansan,
Dunyo sen biri kam erkamsan!

Shukr deb non yesam yig'laysan,
may tutib ko'zimni bog'laysan,
lahadga yiqitib kulgaysan,
bol deb yalaganim sirkamsan,
dunyo sen biri kam erkamsan!

Bag'riingda to'rt kunli mehmonman,
cho'lingda charchagan karvonman,
narhingni xop ko'rdim arzon,man,
yo'llari tikonga to'lgansan,
Dunyo sen biri kam erkamsan!

Chayonday poylaysan chaqishni,
boplaysan yolg'onlar to'qishni,
qo'y endi zog' kabi cho'qishni,
ertaga mendan xam qolgaysan,
Dunyo sen alamli erkamsan!

Jannatni teng qilma bo'yingga,
it qochar bosh suqsa uyingga,
azalar ulangan to'yingga,
qasringni ko'pikdan qurgansan,
dunyo sen biri kam erkamsan!

Childirmang ho'p chalib,qo'ymading,
o'ynatib,yig'latib,to'ymading,
qadrli mehmonday suymading,
mezbonlik izzatin o'rgan,san!
Dunyo sen biri kam erkamsan!

Beshikdan tushishim kutasan,
tushgandan g'amingni tutasan,
yiqitib,tobutga ortasan,
zaqqumday zaharga to'lgansan,
dunyo sen biri kam erkamsan!

O'ylama tiz cho'kmam poyingga,
tupurdim minnatli soyingga,
qand bo'lmam zaharli choyingga,
ertaga mendan xam qolgaysan,
Dunyo sen alamli erkamsan!

Seni bir itimday suymasman,
o'lsang xech azangda kuymasman,
Odamman senga bir qo'ymasman,
Alisherni azobga qo'ygan,San.
Dunyo sen alamli erkamsan!

Добавлено (21-Июн-2013, 01:29)
---------------------------------------------
Mehmon.

Dunyo aldoqchi mezbon,
yoki g'am to'la zindon,
makriga bo'lma qurbon,
Bugun bormiz,erta yo'q.

Yuragingni g'ashlama,
ko'zlaringni yoshlama,
Eski to'nni tashlama,
Bugun bormiz,erta yo'q.

Bu ko'ngilni keng tutgin,
darding tog'larga aytgin,
aks sado bo'lib qaytgin,
Bugun bormiz,erta yo'q.

Talashma mol davlatni,
ko'rsatma xom savlatni,
kulib kuzat ulfatni,
Bugun bormiz,erta yo'q.

Bir biringni yemasdan,
yomon so'zni demasdan,
omon chiqqin qafasdan,
Bugun bormiz,erta yo'q.

Sevganing ham o'tadi,
davlat qo'ldan ketadi,
tobut yelka tutadi,
Bugun bormiz,erta yo'q.

Qo'shning qo'yma jabrga,
oshno bo'lgin sabrga,
Yig'lab kirma qabrga,
Bugun bormiz,erta yo'q.

Alisher sen tayyor bo'l,
dunyo-og'u sochar gul,
do'stim,bo'lma unga qul,
Bugun borsan,erta yo'q.

Добавлено (21-Июн-2013, 01:30)
---------------------------------------------
Qarg'asifat odamlarga.

Bulbulday kuylasang avj pardalarda,
do'stlaring yulduzday yoritsa tuning,
niyatim,bog'ingga qo'nmasin hazon,
va yana zog'larga qolmasin kuning.
Ular sovuq soya,quyosh yuziga,
omading ko'rolmay itday hurarlar,
va yoki go'ng titar qarg'aga o'xhsab,
qishing kelishini poylab turarlar.
Aynan shularga ters yasha dunyoda,
kabutar misoli o'tgin yonidan,
qon bosimi oshib yiqilsa shohdan,
tulkilar g'ajisin giribonidan.

Добавлено (28-Июн-2013, 13:50)
---------------------------------------------
Bu ashulani yomon ko'radiganla, mani chunomidi............