Шохрух рэпер инстаграмдаги ўз сахифасида  унинг концерт видеоси нима учун чиқмаслиги боисини эълон қилди ва унга кўра концерт ташкилотчилари бўлган ProArt  фирмаси Шохрухнинг концерт дастури жонли бўлганини инобатга олмай, шу қадар лоқайдлик билан  ёндошишганки,  Шохрухни жонли овозини ёзишни ё унутган ва ё истамаган. Шохрух фикрига кўра ProArt  фонограммачилар билан ишлаб ўрганиб қолиб жонли овозни ёзишни билмаган деб хисобламоқда. 

Мазкур масалани тўлиқ изохлаш учун  Шохрух рэпердан  фикр олдик.
Шохрух рэпер:
-Биласизми тағинам уларни жудаям ерга уришни истамай сахифамда қисқароқ ёздим.  Ташкилотчиларнинг умумий ишидан жудаям норозиман. Концерт бўйича мени вазифамдан ташқаридаги  ва уларга боғлиқ  нарсалар бўйича хам ўзим уларга атай бирма-бир тайинлаб айтган нарсаларимда хам хатога йўл қўйишди. 
 Концертдан менга тақдим этилаётган видеога фонограммани қўйишибди. Мени эшитмайди деб ўйлашганми. Монтаж ишларини тўхтатиб, монтажни бекор қилдим. Менга бунақа иш керакмас! Одамлар концертдан парчалар кўришлари учун балки концерт лавхаларидан бирорта клипимда фойдалансам керак. 

Бу уқувсиз ва қобилиятсиз  фонограммачилар эса  бундай қилишни тўхтатишсин! Жонли ижрога келганда томоғи оғриётганини рўкач қилиб касалман дейдиганлар  хар куни касал бўлаётгани йўқку уларни тушунишимиз учун. Хизматга чиққан пайтим уларнинг касрига  овоз режиссерлари менда фонограмма эмас, минус мусиқага жонли куйлашимга хайрон бўлишмоқда. Шу қадар фонограммага ўрганиб қолишган. Бу бемаънилик!