Яна бу йил бироз дарслик ўтадик, тарбияландик. Ночор ва очларни хис қилдик, шукрга малакамизни оширдик хисоби.
Диний амалиётини ўтадик яна...

Бу йилги Рамазон кўпгина янгиликларга сабаб бўлди. Афсуски, махфийлик, камтаринлик фалсафасини негизида тарғиб этган Ислом динини бу йил кўпчиликда аксини кўрдик. 

• 
  Танқидгами, мақтовгами билмадиму аммо эътироф учун айтсак, эфирдан то ижтимоий тармоқларгача тариқатда санъат ахли фаол бўлди. 

Сахарликлар актер ва актрисаларимизнинг ибратли сўзларини экрандан тинглаш билан ўтди. Ёшнинг улуғлик мақоми не даражаларга яраштирмайди дейсиз...
Хонандалар...нашиду саловотлар...

Ўзгариш давримиди ё ижарагамиди бари кейинроқ билармиз, билсак хам ажабланмасмизу аммо шунча пайт қаерда эди деган саволам бор-да. Мумкин эмасди деманг, ёлғон, фақатгина ССР даврида мумкин бўлмаган, аммо ўша пайтларам қорилар бўлган, бизам ўша даврлар таълим олганмиз, жумаю таровехларга борганмиз, ёдимда! 

Диний тарғиботга диний билими етук уламолардан ўзгаси қўл урса натижаси камида зиддиятли ва кўпинча кулгулик кечаркан. Айниқса санъаткор бунга қўл урса. Динни кулгуга қўймайлик-эй, илтимос!

 

• Артистлар тариқатда имомлар эса рекламада бўлгандек бу йил. Рости, бу икки соха сулх тузгандек кўринди менга, шу қадар бир-бирига яқин келиб уйғунлашдики, артистларни масжиддаги сурати диний сахифаларни безаган бўлса, артистларни сахифасини имомлар ва уларнинг хатмона рекламаси сурати безади. Бири олиб бири қўйиб «мени масжидимга кел хатмонага» деган рекламалар ажаблантирди. 

Нима фарқи бор экан қайси масжидга бориш, барида бир китобдан ўқиладиган бирдек сураю оятлар бўлса... ким нима дардда? Рақобатми тарғиботми майлида...

• Тўғриси айрим имомлар шунақанги юлдузлик касалига чалингандекки уларни хутбада гапирган гапи уёқдаю ўзлари қилаётган иши, ўзини тутиши, тинмай ўзини фото ва видеога суратга олдириб реклама қилавериши хунук кўринаркан.  Ўзи майли ўзи билан бирга бошқаларни хам сурат ва видеоси берухсат ижтимоий тармоқларни безаб турибди... Шоу-бизнесни масжиддан фарқи қолмади, худди концерт залига томошабинлар келгану уларни фото ва видеога бемалол тасвирга олиб ижтимоий тармоқларга жойланиб борилаверди. 

Артистлар у масжиддан бу масжидга халак. У ерниям бу ерниям бирдек реклама қилишам осонмас экан. "Мана бизга бу артист келди" дегандек машхурларни суратини қўйиш майлику, ачинарлиси бу билан биргаликда масжидларнинг сахифаларида хаттоки одамларнинг  ибодат суратлари хам қўйиб намойиш эта бошланди. Хайит намозда хам энди намоз бошланди деганда юзга прожектор чироғи йўналиб видеога ола бошлади... Фикр жойида турадими? Кимгадир намоз ўқиётганлардан бу ёқармикан? Шартта намозни бузиб эътироз билдирмайдику. 

Махфийлик онлари бўлган  ибодат ва намоз пайти суратга олиш ўзи тўғрими?

(тақдим этилаётган суратлар йиғинмаси айнан инстаграмдаги масжидларнинг сахифасидан олинди)

Оддий одамларни бу қилиғи роса қораланган пайти масжидлар сахифасида бу нарса долзарб! Суратга олаётган одам бу пайт нега ибодатда эмас, нега керак ўзи намоз ўқиётган пайтини суратга олиб масжид сахифасига жойлаш?  Бу юқоридаги рекламага муккасидан кетишлик, мухлисларни йиғишдек қандайдир бир машхурликка интилишдек туюлиб юқоридаги артистларни имомлар билан ўрин алишган деган фикримни исботлаётгандек.  

Тарғибот дея бахона этилар... Аллохга сажда ва у билан мулоқот жараёнидан то дуогача бари махфий бўлишини Ислом тарғиботига зид деб биламан.

Яхши тарафи! (бўлса керак) шундоққина уйим олдидаги масжидда  салкам 30 йил кўрмаган ва шахарнинг нариги бетида яшайдигану кўчамдан ўтса қўнғироқ хам қилмайдиган танишларимни учратдим. Реклама яхши... Майлида, яхшиликка, бахонада кўришдик. Ўзгаришибди, соқол, дўппи... ишониш қийин деб астағфируллахни айтиб,  ўзимни бунга  койиб улар учун хурсанд хам бўлдим. Ишқилиб уларда хам ижара бўлмасин... Узоқда яшайдиган жиянимни хам учратиб хайрон бўлсам "бу масжидда фалончи имом қуёшни чиққанида Қадр кечаси бўлганини кўрсатиб исботлаб бераракан шунга шу ерга келдим"-дейди. "Битва экстрасенсов" ёдимга тушса шу паллада... Сен хам чўпчак эшитиб катта бўлгансан-да дедиму аммо бомдод намозидан кейин имомнинг гапларидан хайратландим... 

• Бахонада мана  янги урфларни хам  кўрдик бу йилдан... Қадр кечасидан кейин қуёш тоғора бўлиб чиқадими ё ноғорами деб одамларга мўъжиза куттириб осмонга тикилиб масжид ёнида тўпланиб туришга даъват этилди. Кутмадим, кузатмадим, бу маросимда қатнашишни ўзимга лозим топмадим, нари кетдим аммо тўпланиб осмонга термулганларни кўриниши қизиқ бўлди. Болалигимда «осмонга қараб тилло лайлакни кут ва каттароқ нарсани ушла, лекин бешикни эмас!» деган афсонани ёдимга солди холос. Худди «анаа тоғорадек чиқдии, демак дуоларим ижобааат»-дегандек фикрлар жилмайтиради.

Имомларни билими биздан кўра анчайин улуғ, уларга аён бу тўғрими ё нотўғри. Бу хам шу йилги Рамазонда кўрилган янгиликни эътироф этиш хуқуқида айтилди холос. 

 

• Жума намозлариданда кўпроқ одам йиғилган таровех намозларидаги фарздан суннат устун келаётганини, одамлар кўпроқ савоб илинжида бўлаётганини хам тахлили аслида менгамас, тўғри! Фикр хотиржаммас, бандамизда ўша айбу хатолар билан...Аммо юлдузлик онларига шўнғигану Қадр кечасини исботлаб урфлар киритаётган имомлар одамларга керакли маълумотлар бериб, фарз хақида, масжидга бош кийимда келиш хақидаги элементар нарсалардан сабоқ беришса афзалроқ бўлармиди дейманда...

 

• Исломни жамоат олдида қабул қилган ўзга дин вакиллари хам бўлгани бу йилги Рамазонда жаранглаган қувончли хабарлардан бири бўлди. 

 

• 
  «Биз жаннатмакон юртда яшаяпмиз, тўкин сочинлик»-деб бот бот қайтарадиганлар ифтор дастурхонини суратини танқид қилиб бечоралардан уялишга ундашди. «Телефони инстаграмга кира олиш даражада бўлган андроид ё айфон бўлса, унда яна интернети бўлсаю у бечорамикин?»-деган саволни эса ўша уялтирилганлар бермади. Демак орияти ўша «бечораману аммо интернет ва қиммат телефонга пул топиб изохда нимадир ёзай»- деганларга жавоб беришга уяти устунлик қилди чоғи...

Инстаграм дастури ўзи нима экани ва унда нима қўйиш мумкин ё мумкинмас деганини уни ишлаб чиқарганлар қолиб, келган жойига хукмдор бўлиб олишга ўрганганлар тартибини туза бошлади гўё. 

 

• 
  Саховатлилар бу йилдан кўпайди, бу энг аъло янгилик! 2012-йилда ФАХРЛИ ИНСОН лойихасини бошлаганимизда «лейкемия нима у, қандай касаллик, нега қон кнрак, қаерда у шифохона?» - деб хар куни сўрашарди. 6 йил ичида, хар ой илк жумада ўтказилиб ва қолган жума кунлари тинмай реклама билан шу даражага етказа олдикки хозир жамийки пайдо бўлаётган волонтёрлар, сайтлар, журналистлар, депутатлар ва хатто телеканалларни ўша шифохонадан топамиз. Ма ша Аллах!

Яхшиликка йўналган волонтёрлар кўпайди, бу жуда қувончли холат. Асли ўзбек халқи оқибатли ва мехрибон бўлгани учунам мана технологиялар имкониятларни бергач яхшиликни ўзига касб қилаётганлар кўпаймоқда! 

 

• Бу йилги Рамазонда яна бир дин пешвосини Аллох амрига кузатдик. Қаранг, бир маротаба Анвар қори Турсуновни хаётига қасд қилишганди аммо айнан мана шу гўзал кунлар Аллох хузурига бориш насиб айлабди... 

 

• Об-хаво бу йили рўзадорларни кўп қийнамади. Асосан мўътадил, гохи ёқимли ёмғирлари билан ва кўпроқ енгил об-хаво хукумрон бўлди. 

 

Ха, бу йилги Рамазон ажойиб ўтди. Қизиқ бўлди кўп нарсалар. Жўшқин кечди.

 

Юқоридаги фикрларим танқиддек кимларгадир эриш туюлару аммо ростини айтиш керак. Имомлардан айримлари худди қилаётган иши нотўғрилигини билгандек хутбаларда исломга хизматдагиларни танқид қилиш мумкинмаслигини айтиб "Мусулмон рўза тутмаса хам намоз ўқимаса хам кофир бўлмайди, аммо мусулмонни хаммани олдида хақоротлаб уялтирса кофир бўлади" дея туриб, жанозага келтирилган маййитнинг эгалари шу куни одамлар кўплигидан имом чақирганида ёнига тезда боролмаганида микрофондан туриб "Девона!" дейиши ғалати туюларкан....

Домлани айтганини қилу, қилганини қилма деганини реал тарзда кўриш оралиғини шу куни бирозгина сониялар ажратди. 

Мархум имом Анвар қори Турсунов билан сухбатда танқид хақида гаплашганимизда, табиийки камчиликлар инсонни  юзига мавхум тарзда  айтишлик исломда айтилгани аммо бу нарса кенг оммага таъсири бўлаётган ва таниқли шахслар орқали бўлаётган бўлса ОАВ турда  номини айтмай кенга оммага танқид қилиш мумкинлигини айтгандилар, шу сабабли хам айрим эътирозларни номини келтирмай билдирдим.  Имомлар хам фаришта эмас, улар хам оддий бир ўша хатою камчиликлари билан инсон! Бироқ индамаса халиги Илон ота масжидидан тарқалган аудиодек чегарадан чиқиб кетиши мумкин бўлган ўша нафс ва кибри бор инсон улар хам. Афсуски кибрга ғарқ бўлгану машхурликка интилган ва  хўжакўрсинлик аломатларини бир икки имомларда кўриб ажабландим.  Мақтов ўлсин...қай даражага кўтариб улоқтирмас экан бу мақтов...

 

Хуллас бу йилги Рамазонда хамма авжига чиқди))

Асосийси кимларнидир  балки ижара кўринишлардан фарқли қалбимиздагисини намоёнланиши хақиқий ва бардавом бўлсин дейман!
Мухими шу! Соқол хам олинар, дўппи хам ечилар ва нафталин солинган қутига қайтар, рўмоллар фотостудия илгичида келаси Рамазонгача чанг босар балки, аммо айтганимдек хамманинг ўз ичидагиси мухим! Гап сўз , танқиду фикр хам бефойда, бари ниятига боғлиқ!

Шу сабаб   бу сўзларимни хам  нияти ўзимни бўйнимда, изох шартмас. Бу йилги Рамазон хақидаги хотимам шахсий кузатувимдаги шахсий фикрларим хуқуқида холос. Инсонмиз-да,  ўша айбу хатолари билан. Фаришта бўлганимизда кўринмасдик хам эштилиб ўқилмасдик хам. 

Аллох билгувчи! 

 

(c) Sayyod