Bahor
Ko'klam.Oh,naqadar go'zal faslsan,
yuz yil bo'ldi seni ko'rmaganimga,
seni mehmon qilib yurtim qo'ynida,
dalamdan lolangni termaganimga.
Sumalak mazasi hali tilimda,
o'lguncha yana bir totamanmi man,
adirda osmonga boqib,hayrat-la,
kamalakka qarab yotamanmi man.
Yoshlik ham tush kabi o'tibdi xayhot,
qaytib kelmas kecham,og'riydi yurak,
u endi hotiram osmonlarida,
o'sha men uchirgan qog'oz shodarak.
Tandirdan uzilsa ismaloq somsa,
yuzlariga qaymoq bo'lar edi zeb,
talashib,tortishib maza qilardik,
sening in'omingni to'yib-to'yib yeb.
Momom aytar edi,Hudoga shukur,
ko'klamga ham yetdim,omonman bolam,
o'choqda onam-la pishirsa yupqa,
hidiga mast bo'lib qolardi olam.
Bilaman sevasan,ortga qaytasan,
har yil senga mezbon yurtim dalasi,
men esa musofir,beqadr o'gil,
hasratda ochilgan alvon lolasi.
Ko'klam sendan yakka o'tinchim bugun,
tila menga dunyo sabrlarini,
yana bir iltimos,lolang-la beza,
momomning mung'aygan qabrlarini.[/i]Добавлено (26-Сен-2012, 12:40)
---------------------------------------------
Yurakka.
Yurak nechun qiynaysan meni,
bu tanamni sudrabon itday,
senga qolgan bo'lsa bu kunim,
mayli to'kib tashlagin tutday.
Qoygin,to'yib nafas olayin,
oqarmoqda boshimda bu soch,
qorda qolib muzladim ahir,
arazlamay eshigingni och.
Mehmon qilgin bergin to'ringni,
g'amdan abgor,bu durkun savlat,
ko'rsatmagin menga zo'ringni,
menda yo'qdir sen kutgan davlat.
Diydor kerak,bilaman senga,
nima qilay men ham oshig'i,
ona yurtni madh etib aytsam,
yetmayapti dunyo qo'shig'i.
Zindon bo'lma,sen ham umrimga,
dunyo qafas,to'ri yetadi,
ko'zlarimdan tahir suv quyma,
peshonamning sho'ri yetadi.
Unutmagin senga sodiqman,
tilim sening oynaday aksing,
hushomadga asli duduqman,
buncha qonga to'lmasa ko'ksing.
Seni asrab,avaylab bugun,
o'zim harob,devona bo'ldim,
sen aytganing halqimga o'qib,
Afandiday hangoma bo'ldim.
Добавлено (26-Сен-2012, 12:45)
---------------------------------------------
Dubai-Qarshi -uyimga qilgan telefon qo'ng'iroqlaridan keyin.
Sog'inchdan soy bo'lib oqaman,
Dubaidan uyga sim qoqaman,
quvonchdan oy bo'lib balqaman,
...Otamning ovozin eshitsam.
Onamning ovozin eshitsam.
Alqasa muz dilim eriydi,
yig'lablar holimni so'raydi,
azobim bir nafas ariydi,
Onamning ovozin eshitsam.
Otamning ovozin eshitsam.
Armonim darahti yiqilar,
Firoqqa janoza o'qilar,
Bog'zimda nimadir tiqilar,
Otamning ovozin eshitsam.
Onamning ovozin eshitsam.
Telefon go'shagi qo'limda,
ko'p yaxshi niyatlar dilimda,
lek gapim qotadi tilimda,
Onamning ovozin eshitsam.
Otamning ovozin eshitsam.
"Alijon qachonlar kelasan?
hazir bo'l,moshinda yurasan."
tez-tez simlar qoqib turda san,
Onamning ovozin eshitsam.
Otamning ovozin eshitsam.
Ozingni avayla,asra der,
jonini o'ylamas,bolam der,
Alisher dilimdan oqdi she'r,
Otamning ovozin eshitgach
Onamning ovozin eshitgach.
Добавлено (26-Сен-2012, 12:46)
---------------------------------------------
Onam.
Dardini un qilib elagan,
umrini o'gliga tilagan,
sog'inib tunlari yig'lagan,
...Jonimning javhari Onajon!
Ko'zimning gavhari Onajon!
Go'sht topsa zorlangan yegin deb,
bo'z kiyib,to'n tutgan kiygin deb,
sog'indim bolam-a kelgin deb,
So'zlari anbarim Onajon!
Dard to'la tanburim Onajon!
Soy to'lar to'kkan ul yoshidan,
yurt to'yar pishirgan oshidan,
dardi hech ketmaydi boshidan,
Tegirmon toshginam Onajon!
Quvonchim,hushginam Onajon!
Jonimni Jabbordan qizg'anib,
isitmam chiqqanda to'lg'anib,
ro'zgo'ri g'amiga o'ralib,
toliqqan boshginam Onajon!
Qalamday qoshginam Onajon!
Qo'yningdan qush kabi uchiblar,
Sog'inchdan tog' kabi ko'chiblar,
Alisher oyog'ing quchiblar,
o'g'ilmas azobman Onajon!
ga'm to'la zardobman Onajon!
Добавлено (26-Сен-2012, 12:49)
---------------------------------------------
Onamga.
Dardimni dilbarday dilda ardoqlab,
Sog'inch kitobini yig'lab varog'lab,
sabolardan bugun diydor so'rog'lab,
...o'ksigan go'dakday og'rindim Ona.
Mehrli yuzingni sog'indim Ona.
Ko'z yoshim yuzimmas,ichimga toshib,
tilim noming aytsa yuragim shoshib,
piyoda borsammi tog'larni oshib,
o'ksigan go'dakday og'rindim Ona.
nurli yonog'ingni sog'indim Ona.
Dunyoga keltirib,ko'rmayin mehr,
ko'zdagi jolangdan tilginang tahir,
dunyo-zindon ekan go'yo boy-bahil,
o'ksigan go'dakday og'rindim Ona.
quyoshday yuzingni so'gindim Ona.
Hashamlar quvnatmas bugun ko'zimni,
Bashanglar anglolmas dardli so'zimni,
sog'insam rasmingga bosib yuzimni,
o'ksigan go'dakday og'rindim Ona.
Hudodan shifoing o'tindim Ona.
O'g'lim degan holsiz tilingga o'lay,
dardlarim qaritgan dilingga o'lay,
o'lsam Jannatda ham farzanding bo'lay,
Hudodan umringni o'tindim Ona.
qadog'li qo'lingni sog'indim Ona.
Yigit yig'lamaydi-bekor gap ekan,
seni so'ginganda to'ladi o'pkam,
dunyoni sig'dirgan tog'lardan ulkan,
hotamtoy dilingni sog'indim Ona.
Hudodan shifoing o'tindim Ona.
Yashayapman ta'til kelishin kutib,
Abu Dhabisida bir kunim o'tib,
qachon u Oktyabr kelarkan yetib?
sog'ingan Alisher o'glingman Ona.
musofir yuragi dog'lingman Ona.
Добавлено (26-Сен-2012, 12:51)
---------------------------------------------
Xijron.
Dubai-sen chiroyli arab jayroni,
Husningga termulib to’ymaydi ko’plar,
Mening sog’inch yovday kirgan qalbimda,
...Dard zambaragi uzra gumburlar to’plar.
Sen esa hurkak bir hush nigoh bilan,
Mening mahzun ko’nglim olmoq bo’lasan,
Jayronim,sendan-da go’zal ohuning,
Dardida yonganim balki bilasan.
O’sha ohu qalbda men bilan har kun,
Hatto tunlarimga boqar ko’zimdan,
Sehridan majnunday mastona bo’lib,
Hushxo’r taom tutgum shirin so’zimdan.
Ul ohu sendan-da nozikdir jayron,
Mendan hafa bo’lma rostini aytdim.
Sen makon aylagan bu issiq yozdan,
Sovqotib,hayolda yoniga qaytdim.
Ul ohu yurtimning hurkak malagi,
Tog’larni koshona aylagan o’zga,
Qirlari alyorlar kuylasa sarhush,
Dardni his qilolmas o’zidan o’zga.
Shul ohu tushimda,o’ngda men bilan,
Sening yotligingni menga aytadi,
Agar senga bir nafas tikilib qolsam,
Ruhim sahrosidan ortga qaytadi.
Men esa qolaman alamni quchib,
Chopib ham yugurib hech yetolmayman,
Oldimga qayt deydi go’yo Kumushday,
Men sen Zaynabimni ranjitolmayman..
Ne qilay ikki o’t aro bu ruhim,
Majnunday yig’laydi,tinchlik bermaydi,
Qoshiga bormasam,ishqi o’ldirar,
Bu zada qalbimni firoq tirnaydi.
Добавлено (26-Сен-2012, 13:01)
---------------------------------------------
Ona Vatanimga Tabrik.
Bahmalday tog'laring,bog'u-rog'laring,
umrim uyin bezar ul Segohlaring,
yoshim bilan artay dilda dog'laring,
dunyoda yakkayu Yagonam-Vatan.
Ruhimni lol etgan Afsonam-Vatan.
Bugun har tarafda kabob,palovlar,
Sen tomon yog'ilar duo-qutlovlar,
poying uzra aylay jonni siylovlar,
Kohinurdan aziz Durdonam-Vatan.
Dunyoda yakkayu Yagonam-Vatan.
Bunday bayramlaring hali ko'p bo'lar,
kulgan bu omading,yanada kular,
qadring yerga urgan pushmonga to'lar,
kunlarga darvoza-Ostonam-Vatan!
Dunyoda yakkayu yagonam-Vatan.
Toshkentsan,Samarqand,Buhoro,Qarshi,
do'mbirasi mahzun,dard to'la bahshi,
Vodiy,Surhon,Xiva-ayvoning naqshi,
tilimda madhiyang Taronam-Vatan.
Dunyoda yakkayu Yagonam-Vatan.
Choymas,sog'inch to'lgan bir piyolangman,
qiring qumsab,so'lgan alvon lolangman,
Otamsan-g'amingga sherik bolangman,
Dardim shoh kitobi-Alifbo-Vatan.
Navqiron umrimga-Ibtido-Vatan.
Kechamsan,ertamsan,unutolmasman,
quvonchdan,yoshimni to'htatolmasman,
kechir bugun quchib tabriklolmasman,
Mehribon Onamsan-Parvonam-Vatan.
Dunyoda yakkayu Yagonam-Vatan.
Hayolda kezarman yaqin-yirog'ing,
Sog'inganda quchib,shonli bayrog'ing,
Labbay deb qaytgumdir,bo'lsa so'rog'ing,
Alisher-qulingman.Shohonam-Vatan.
Dunyoda yakkayu Yagonam-Vatan.
