JINOYAT VA JAZO.
Inson eplay ololmagan ish,
Muhabbatga bo'yin egmaslik.
Latofating sezmaslik - qarg'ish,
Jinoyatdir seni sevmaslik!
Sevgi asli sening ismingdir,
Ishq hayoling, raso jismingdir,
Barkamollik asli husningdir,
Jinoyatdir seni sevmaslik!
Ko'zlaringda jam olam siri,
Dunyoni jo etgan har biri,
Shu ikki shahloning ta'siri,
Jinoyatdir seni sevmaslik!
Qomatingdan hurlar uyalar,
Parilar hasaddan kuyarlar,
Oshiq ahli bag'rin o'yarlar,
Jinoyatdir seni sevmaslik!
Zulfing sunbullarga andoza,
Yuz ehtiyoj sezmas pardoza,
Qalb musaffo, yuraging toza,
Jinoyatdir seni sevmaslik!
Rostin aytgin sohtalikdan qoch,
Muhabbatga yuragingni och,
Qosh kiprikka qo'ngan qaldirg'och,
Jinoyatdur seni sevmaslik!
Muhabbatga bo'yin egmaslik -
Sevgi bilmay azoblanishdir.
Jinoyatdir seni sevmaslik!
Seni sevish jazolanishdir!
Dilmurod Akbarov
06.11.2015 0:33Добавлено (20-Дек-2015, 16:57)
---------------------------------------------
Dada.
Men yetti yot begonalarni,
Yo'qlashni xech qilmadim kanda.
Topib turli bahonalarni,
Yoningizda bo'lmadim Dada.
Ko'rsatmayin aslo yo'qchilik,
O'stirdingiz boshim egmadim.
Siz bir damlab ichgan o'tchalik,
Dada, sizga nafim tegmadi.
O'yin qildim dunyo ishini,
Kimlar bilan qilmadim savdo.
Ko'nglin oldim qancha kishini,
Dardingizga qilmadim parvo.
Siz chinordek qurib bordingiz,
Arslon kabi to'lib bordim men.
Keldi menga suyanmog'ingiz,
Sizga yog'och xassa oldim men.
Deb yurardim "otam baquvvat",
O'ylabmanda yashaysiz mangu.
Eh, davringiz ekan g'animat,
O'rningiz bo'sh, o'ylarim qayg'u.
Endi hasrat boshimda do'ppi,
Endi afsus choponim mening.
Mindingiz-u bir cho'bin otni,
Endi olis osmonim mening.
Parvozimdan kim quvonadi,
Gar yiqilsam kim bo'lar dalda?.
Nima qilay men bu olamni?.
Siz yonimda yo'qsizku Dada!
Bari endi yaxshi bo'lganda,
Siz yonimda yo'qsizku Dada...
Dilmurod Muhammad o'g'li.
20.12.2015
Добавлено (23-Дек-2015, 01:58)
---------------------------------------------
Tun yarmidan o'tib ham qoldi,
Katta shahar osuda va jim.
Yana ishqing oromim oldi,
Yana sevgim yo'qotdi tinchim.
Ruchka o'yga cho'mgandek qo'lda,
Termuladi o'z soyasiga.
Unga tazyiq o'tkazar lampa,
Go'yo qog'oz himoyasida.
Lekin meni qiynaydi bir kuch,
Qoralayman qog'ozning yuzin.
Ko'zyosh to'kar ruchkadagi uch,
Yoziladi dildagi so'zim.
Men ashaddiy, o'jar xudbinman.
O'zimni ko'p sevurman, illo,
Bu koinot, bu keng zamindan,
Sog'inchingni ko'rarman avlo.
Zero o'shal go'zal sog'inching,
Menga yashash zavqini berar.
Yurak olgan bu qadar kuchning,
Tarifini bermoq besamar.
Zero bunday dardli sog'inchdan,
Dil borligin sezadi vujud.
Va umidvor bitta ovunchdan,
Intiq bo'lar visolni kutib.
Xijron kuyin chala boshlaydi,
Dirijyorlik qiladi sog'inch.
Qiynar. Bilar haddim oshmaydi.
Ishqim kuchin biladi sog'inch.
Va bu hislar tug'yonida mast,
O'tkazaman yana bir tunni.
Muhabbatim oloviga qasd,
Sog'inch qalar unga o'tinni.
Ishqing tojim, sog'inching taxtdir.
Sevish omad, sog'inish baxtdir!
23.12.2015. 01:49.
Dilmurod Muhammad.
Добавлено (23-Дек-2015, 01:59)
---------------------------------------------
O'tib borar ekan hayotim,
Yil yig'ilar umrimga qat-qat.
Sinab borar sabrim sabotim,
O'sha sevgi, o'sha muhabbat.
Oshiq ko'nglim koshonalarin,
Yorishtirar gohida yalt-yalt.
Yoqar gohi vayronalarin,
O'sha sevgi, o'sha muhabbat.
Sog'inch bo'lib qiynaydi gohi,
Yig'latadi dilni bo'lib dard.
Yulduz quchar xijronning ohi,
O'sha sevgi, o'sha muhabbat.
Uchdim visol kechalarida,
Osmon yaqin, bori bir qavat.
"Somon yo'li" ko'chalarida,
O'sha sevgi, o'sha muhabbat.
Yuragimdan tayyorlab kabob,
Suv sepadi diydamdan atab.
Sochimdagi qirovga sabab,
O'sha sevgi, o'sha muhabbat.
Yutuqlarim uning izmida,
Intilganim o'zidir faqat.
Qayda bo'lmay borar manzilda,
O'sha sevgi, o'sha muhabbat.
Nolimasman sira taqdirdan,
Bor bo'l, jonim, baxtimga abad!
Vujudimga jon bilan kirgan,
O'zing sevgi, o'zing muhabbat!
21.12.2015.
Dilmurod Muhammad.
Добавлено (02-Фев-2016, 19:40)
---------------------------------------------
Tasodifiy sevgi.
Biroz xorg'in, ozgina charchab,
Qaytar edim mashg'ulotlardan.
Yonginamdan bir bora qarab,
Yoqib o'tding tratuardan.
O'sha kuni mahv etding meni,
Shundan buyon sendadir erkim.
Sehrladi ko'zlaring sehri,
Sochlaringdan taralgan epkin.
Na uyqumga berasan orom,
Na xushyorlik topar halovat,
Qasdlashasan men bilan janon,
Meni qiynab qilarsan rohat.
Ko'zlaringda yulduz yashaydi,
Qoshlar qalam hijolat asar.
Jamolingdan jahon yashnaydi,
Lablar g'uncha, shabnami asal.
Tikilaman senga olisdan,
Cho'kgim kelar ko'zing qa'riga.
Sen sho'xsan yo uyatchan qizsan,
Qancha borsam, ketding nariga.
Sen ham menga emassan befarq,
E'tiboring borligi ayon.
Ko'z so'zlasa lozim emas sharh,
Dil tug'yoni so'zsiz bir bayon.
Yana kunlar topmayman seni,
Yana ilhaq izlab yuraman.
Chopib qolsa omadim meni,
Bir haftada bir bor ko'raman.
Ismimni ham bilmayman xatto,
Sevging meni devona etdi.
Ismingni ham bilmayman xatto,
Bilganim shu "1-67".
Dilmurod Akbarov.
31.01.2016
Добавлено (02-Июл-2016, 17:10)
---------------------------------------------
Ey, birodar qo'rqmaysan, oldingdagi ilondan.
Chunki senga nish qadab, boqqani ayon ekan.
Bu dunyo zahmatlari o'tib turganda jondan,
Qo'yningdan chayon chiqib chaqqani yomon ekan.
Yoringdan vafo istab fido qilsang o'zingni,
Hiyonatga sevgingni otgani yomon ekan.
Do'st deb aytsang siringni, bo'lishsang non tuzingni,
Dushmaningga so'zingni sotgani yomon ekan.
Toshdan qattiq boshingdan oshganda g'avg'olaring,
Ko'nglingda gumon qoni oqqani yomon ekan.
Yiqilganda bir yo'qlab kelmagan oshnolaring,
Yuksalsang hasad bilan boqqani yomon ekan.
Parivashlar bevafo, oqibatsiz do'st desang,
Bu dunyodan toq o'tib ketganing yomon.
Holiqo, Oqibat ber shoirning iltijosi.
Olamni razolatga botgani yomon ekan.
Dilmurod Akbarov.
02.07.2016 16:44
Добавлено (06-Ноя-2017, 09:09)
---------------------------------------------
Бағирлар қон бўлди э воҳ, этмадинг огоҳ мани,
Не қасдки, дил оҳидин этмадинг озод мани.
Ёр, кўнгил васлинг измида изнингга муштоқ вале,
Сен бир имкон топдингг-у ташладинг узоқ мани.
Эй, санам, сенсан жаҳонда дилраболар дилдавоси,
Боқдингу хуснинг йўлида айладинг маддоҳ мани.
Куз дедим кўнгил хазону, уз дедим узмас умид,
Дил узилмас, жон ҳаётдин узмаса ногоҳ мани.
Айлама ҳажринг қурол, ошиғинг минг қатл этиб,
Жамолинг жаннатнамодир айла бир гувоҳ мани.
Дилмурод Акбаров 23:44 31.10.2017
Добавлено (06-Ноя-2017, 09:11)
---------------------------------------------
AkbarOFF ®:
Qiz ko‘nglini nozik deyishdi,
Qo‘rqdim kirib shikast berishga.
Qiz ko‘nglini nozik deyishdi,
O‘rgatdilar ko‘ndim deyishga.
Qiz ko‘nglini otash deyishdi,
Yaqin borma kuydirar yomon.
Qiz ko‘nglini talash deyishdi,
Unda hislar qololmas omon.
Qiz ko‘nglini qahr deyishdi,
Duchor bo‘lma cheksiz nafratga,
Qiz ko‘nglini jabr deyishdi,
Yo‘l boshlama ming mashaqqatga.
Qiz ko‘nglini asov deyishdi,
O‘yinlarga berolmassan dosh.
Qiz ko‘nglini bir dov deyishdi,
Oshiq yurak tikilgan bir tosh.
Qiz ko‘nglini alam deyishdi,
Azob yo‘qmish bundanda ortiq.
Qiz ko‘nglini qalam deyishdi,
Ming shoirdan biriga tortiq.
Qiz ko‘nglini kulgu deyishdi,
Yorisharmish uning-la olam.
Qiz ko‘nglini tuyg‘u deyishdi,
Bunda goh baxt, gohida sitam.
Qiz ko‘nglini savdo deyishdi,
Bahosi yo‘q, ko‘pdir xaridor.
Qiz ko‘nglini dunyo deyishdi,
Samodan keng, zulmat kabi tor.
Qiz ko‘nglini mehr deyishdi,
Yetar!
Bundan o‘tma mosuvo.
Qiz ko‘nglini sehr deyishdi,
Kel, ko‘nglimni sehrla DUNYO...
DILMUROD AKBAROV 12:56 05.11.2017
