Санъат аҳли учун унвон, медаль ва орденлар нима учун берилган — гоҳо тушунмай қоламан.

Агар тўйдан катта пул олишса, бугунги даврда (!) давлат тадбирларигаям тўй нархида (!) пул тўлаб қилишса ва энди жамият учун қилинаётган Президент ислоҳотлари йўлидаги тарғибот ва ташвиқот ишларигаям тўй нархида пул талаб қилишларигача боришларини ким назорат қиларкин?

Эфир орқали (!) кўрсатув сонига келиб, ёшларга ақл-идрок тарғиботи кўрсатувларига меҳмон сифатида чақириладиган санъаткорлар тўй нархида пул талаб қилишмоқда.

Майли, бир неча саноқлигинаси (!) билан ҳамкорлик, ўзаро ҳурмат ҳаққи ёки росмана инсофлиларига гапимиз ўтару, аммо қолган аксарияти-чи?

Икки қўшиқни фонограммада оғзини қимирлатиб беришга ва шу орқали эфирда ўзига ҳам текин реклама бўлишига бир ёш хонанда 10 миллион сўм сўраб турса, тренддагиси «3 минг доллардан камига гаплашмайман ҳам!» — деб турса....

Агар ҳамма нарса фақат шунақа катта тўй нархидек пулга бориб тақалса, нимасига булар унвон ва медальу орденлар олишмоқда?!

Унвон ва орден фақат хизмат учун берилган рамзми ёки жамият олдидаги масъулиятни ҳам англатадими?

Тўй нархига «Чунки харажатларимиз фалон пул», — деб турадиган санъат аҳли бу унвону орденларгаям харажат қилишмаса керак?

Президент қарорлари ижроси учун ташкиллаштирилаётган тадбирларга 2–3 минг доллар талаб қилиш нечоғлик тўғри?

Ёдимда, аввалги даврда текингаям ит-эшакдек хор бўлиб, керак бўлса, ўз ёнидан харажат қилиб ҳам хизматда юришарди. Ҳозир пули берилаётган бўлса, ИНСОФ қилиш керакдир, балки?

Нега бугунги даврдаги эркинлик ва демократиядан юлғичлик ҳамда шантаждек фойдаланиш керак?

Диққат! Янги телеграм  каналимиз энди sayyoduzb